Greta Salóme og SinfoNord leiða saman hesta sína í sýningunni Frost
Á morgun, sunnuaginn 17.janúar, verður blásið til tónleikasýningar í Menningarhúsinu Hofi á Akureyri þar sem Greta Salóme og SinfóníuhljómsveitNorðurlands leiða saman hesta sína. Sýningin nefnist Frost en þar mun Greta ásamt hrynsveit og Sinfóníuhljómsveitinni leika lög úr Disney-sýningu sinni, eigin lög og klassísk verk í popp og rokkbúningi. Í tilkynningu frá Menningarfélagi Akureyrar segir að á sýningunni munu allir geta fundið eitthvað við sitt hæfi og sé sýningin ekki síður fyrir auga en eyra. Um 20 dansarar úr STEPS dansskólanum taka einnig þátt og er einnig mikið lagt upp úr glæsilegri grafík og ljósahönnun. Þá munu þrír kórar syngja með Gretu í völdum lögum, auk þess sem Magni Ásgeirsson söngvari kemur einnig við sögu. Alls verða því um 80 listamenn á sviðinu. Öllum 5 og 6 ára Akureyringum verður boðið að koma frítt á sýninguna klukkan 13:00 þann 17. janúar og er það liður í samfélagsverkefni MAk að kynna sinfóníska tónlist og leikhús fyrir ungmennum á Akureyri, en verkefnið er styrkt af Norðurorku.
Einróma lof gagnrýnenda
Sýningin Frost var unnin af Gretu Salóme og naut hún aðstoðar leikstjóra, hönnuða og dansara frá Disney. Sýningin hefur hlotið einróma lof fyrir fjölbreytni og skemmtanagildi þar sem fjölmargir tónlistarstílar skarast og áheyrendur sjá fjölmargar hliðar tónlistarkonunnar. „Á sýningunni fléttar Greta Salóme saman bakgrunni sínum sem klassískur fiðluleikari, tónskáld og söngkona og leikur tæknilega krefjandi verk en í nýjum útfærslum. Á sýningunni má heyra allt frá háklassískum verkum yfir í eldhröð lög með fiðlu og hrynsveit og töfrandi tónsmíðar þar sem Greta syngur. Einnig má heyra Disney-lög þar sem Greta Salóme syngur og spilar og ber þar hæst að nefna Frozen-svítuna. Þar blandast saman árstíðirnar eftir Vivaldi, lög úr Frozen kvikmyndinni og svo íslensk stef eftir Gretu. Á sýningunni í Hofi mun Greta Salóme leika efni af Disney-sýningunni en leggur líka áherslu á að taka verk þar sem popptónlist, rokktónlist og sinfónísk tónlist skarast. Markmið sýningarinnar er að þar sé eitthvað á boðstólnum fyrir alla og ekki munu bara tónlistarstílar skarast heldur einnig listform,“ segir í tilkynningu.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.