Glerárvirkjun II – íslensk framkvæmdagleði í hnotskurn
Nú eru framkvæmdir við nýja virkjun Fallorku í Glerá komnar vel á veg. Framkvæmdin var umdeild enda um að ræða rask á lítt röskuðum og nú skilgreindum fólkvangi Akureyrar, þó mörk hans umlyki umrædda framkvæmd haganlega. Vinstri Græn á Akureyri héldu á lofti efasemdum um að framkvæmdin væri ráðleg en stóðu þó með henni á grundvelli þess að um græna orku í þágu Akureyrar væri að ræða, aðgengi mundi batna að nýstofnuðum fólkvang, vatnsbúskap árinnar yrði viðhaldið og að síðustu það, að við fengum fullvissu fyrir því að við framkvæmdir yrði fyllstu varúðar gætt.
Vinna við síðasta áfanga þrýstilagnar að miðlunarlóni Glerárvirkjunar II, sem rísa á neðan við vatnslindir Akureyrar inni á Glerárdal, hófst í lok maí. Því miður hefur sú fullvissa sem okkar var veitt í orði um varúð við framkvæmd, ekki reynst vera á borði. Efni hefur verið tekið án leyfis úr óröskuðum árhjöllum, sem eru nokkuð sjaldgæfir við mynni Glerárdals. Í undirbúningsskýrslu verkfræðinga var talað um að framkvæma ekki á varptíma, sem ekki er farið eftir.
Í umsókn um framkvæmdaleyfi var talað um að vernda og merkja sérstaklega fornminjar, það var ekki gert. Ekki virðist áhugi á að hanna stíflu þannig að hún losi aur sem safnast í stíflustæði. Einnig átti að gæta vel að haugsetningu efnis en þar hefur verið farið út fyrir þau mörk sem skilgreind voru. Allt þetta eru okkur mikil vonbrigði, en það sem birtist okkur hér umfram allt er sú staðreynd að þegar kemur að vernd náttúru og menningararfleiðir okkar þykir flestum orðskrúðið nægja.
Það segjast allir aðspurðir vilja vernda náttúru og sögu okkar en það er í athöfnum sem raunveruleikinn birtist. Það skortir raunverulega virðingu fyrir náttúrunni. Þegar sest er undir stýri á stórri jarðýtu, þá verður mófuglinn voða smár og steininn sem staðið hefur í 10.000 ár og allar kynslóðir Íslandsbyggðar hafa getað barið augum, mélast á augabragði. Þetta er einfalt og menn yppta bara öxlum. Þetta viðhorf og framferði er búið að stýra gerðum okkar gagvart náttúru um nokkurt skeið.
Nú er svo komið að framganga okkar er farin að hafa hnattræn áhrif. Við búum á sk. mannöld, nýju jarðsögulegu skeiði þar sem maðurinn flytur til meira efni og mótar meira land en allir náttúrulegir rofferlar samanlagt. Þegar afl okkar er þvílíkt verður að þroska nýja siðferðisvitund. Kjarni hennar er virðing fyrir náttúru, skilyrðislaus og djúpstæð virðing fyrir því sem staðið hefur um aldir alda.
-Edward H. Huijbens, varabæjarfulltrúi VG á Akureyri
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir