Getum ekki sett fólk á biðlista
Sjúkraliðar í heimahjúkrun eru áhyggjufullir vegna niðurskurðar og vaxandi álags.
Við höfum hægt og bítandi séð álagið aukast undanfarið, en á sama tíma fækkar starfsfólki, bæði sjúkraliðum og hjúkrunarfræðingum, segir Erna Hauksdóttir sjúkraliði í heimahjúkrun hjá Heilsugæslustöðinni á Akureyri, en sjúkraliðar hafa lýst yfir áhyggjum vegna niðurskurðar í þjónustu og vaxandi álags. Hún segir að á þéttbýlisstöðum í nágrenni Akureyrar sé það sama uppi á teningnum, verið sé að skerða þjónustu þar og því leiti fólki í vaxandi mæli til Sjúkrahússins á Akureyri. Þar hafi einnig verið skorið niður, starfsfólki fækkað og skurðstofum lokað.
Útskriftum sé flýtt sem kostur er og sjúklingar endi með að leita eftir þjónustu frá heimahjúkrun. Það er eina úrræðið sem fólki stendur til boða eftir úrskrift af sjúkrahúsi, þurfi það umönnun eftir heimkomu. Við getum ekki sett fólk á biðlista eins og tíðkast víða annars staðar, við verðum að veita því þjónustu, segir Erna.
Hún segir að þeirri stefnu sé fylgt að aldraðir fái að vera heima eins lengi og hægt er og sú þróun sé góð, það sé sparnaður fyrir heilbrigðiskerfið geti aldraðir verið sem lengt heima. En það þarf líka ða huga að því að hafa mannskap til að sinna þessum einstaklingum, segir Erna. Beinar uppsagnir hafa ekki verið hjá sjúkraliðum í heimahjúkrun, en samningar sem fyrir voru ekki verið endurnýjaðir. Þannig hætti einn sjúkaliði í hálfu starfi um nýliðin áramót en áður höfðu tveir látið af störfum vegna veikinda. Erna segir að þarna sé um að ræða samtals 120% stöðugildi. Hluti af þeirri prósentu var nýttur til að auka við kvöldvaktarþjónustu okkar, en engum bætt við á morgunvaktir, þar sem álagið eykst jafnt og þétt. Sömu sögu er að segja varðandi hjúkrunarfræðinga, þeim hefur einnig fækkað, þeir veikjast eins og aðrir og eiga við langvinn stoðkerfisveikindi að stríða, segir hún.
Heimaþjónustan hefur tekið léttustu vitjanirnar að sögn Ernu, en eftir stendur að sjúkraliðar eru með þær þyngstu og þeim fer fjölgandi. Aðstæður í heimahúsum eru misjafnar. En við reynum að útvega öll þau hjálpartæki sem hægt er til aðgerahlutina sem auðveldasta en samt sem áður eru þetta oft á tíðum erfiðar aðstæður að vinna við. segir hún.
Erna telur að til lengdar gangi þetta ekki upp, álagið sé mikið, andlegt og líkamlegt, starfsfólk þreytist, veikindi aukist. Ég held að með fækkun starfsfólks samhliða auknu álagi þá sé algjörlega verið að kasta krónunni fyrir aurinn, því miður. Heilsugæslustöðinni séu settar þröngar skorður og að sjúkraliðar skilji að skoða þurfi hvar hægt sé að draga saman. Hér held ég að fólk ætti að staldra við, því við erum að tala um fólk en ekki tölur á blaði. Sjúkraliðar og hjúkrunarfræðingar leggja sig alla fram við að sinna fólkinu nótt sem nýtan dag. Þetta er röng þróun, við erum á leið aftur til fortíðar með heilbrigðisþjónustuna okkar, segir Erna.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.