Gert ráð fyrir blóðskilunar- meðferð á Akureyri
Sjúkrahúsið á Akureyri. Mynd: Hörður Geirsson.
Stjórnendum og starfsmönnum Sjúkrahússins á Akureyri er ljós þörfin fyrir blóðskilunarmeðferð á svæðinu og mikill vilji er hér fyrir því að koma slíkri meðferð af stað, segir Gróa Björk Jóhannesdóttir barnalæknir og framkvæmdastjóri lyflækningasviðs sjúkrahússins. Blóðskilunarmeðferð er einungis veitt í Reykjavík, á Landspítala-háskólasjúkrahúsi og hefur nokkur umræða orðið að undanförnu um þá stöðu.
Fram hefur komið að fólk hafi ýmist lagt í mikinn kostnað við að sækja þjónustuna suður eða hreinlega flutt búferlum af svæðinu vegna þess að þjónustna vantar norðan heiða. Gróa Björk segir að í framtíðarsýn og starfsáætlun sjúkrahússins sé gert ráð fyrir að blóðskilunarmeðferð sé veitt þar og er unnið að því. Við erum bjarsýn á að það takist í ekki of fjarlægri framtíð, segir hún, en blóðskilun sé þó meðferð sem ekki verði tekin upp í skyndi. Þar skipti m.a. tæki og tækni máli sem og þverfagleg þekking sem þurfi að vera til staðar.
Það hefur áður komið upp umræða um þetta mál, en þá lánaðist ekki að koma þessu í kring, en nú er þetta forgangsverkefni, segir Gróa Björk. Sjúkahúsið hafi burði til að taka verkefnið að sér í samstarfi við Landspítala, með hjálp velunnara og ráðuneytis. Málið sé þó enn á byrjunarstigi. Til að það gangi þurfi að byggja upp fagþekkingu og reynslu á staðnum, auk þess sem sjúkrahúsið þurfi bakland á Landspítala með samstarfssamningi m.a. um læknisþjónustu.
Kostnaðarhliðin skiptir líka máli, en við skynjum velvilja yfirvalda til flutnings verkefna nær sjúklingnum, enda felst í því sparnaður til lengri tíma litið. Við verðum líka vör við gjafmildi félagasamtaka og fyrirtækja, en í nútímanum er tækjakostur og annar stofnkostnaður að miklu leyti fenginn að gjöf frá velunnurum og þegar nær dregur verður jafnvel blásið til söfnunar, segir Gróa Björk.
Blóðskilunartæki sem hentar við bráðanýrnabilun hjá rúmföstum sjúklingum er til staðar á Sjúkrahúsinu á Akureyri, en það byggir á annarri tækni en þegar um er að ræða langvinna nýrnabilun. Í slíkum tilvikum er algengast að sjúklingar komi í skilun í nokkrar klukkustundir í senn, annan hvern dag, en eru lausir þess á milli. Einhverjir geta nýtt sér blóðskilun heima, en þurfa að hafa aðgang að þjónustu á sjúkrahúsi komi upp vandamál. Gróa Björk kveðst ekki vita til þess að heimaskilun sé í gangi á Norðurlandi.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.