Gefa þurfandi fyrir mat
Sigrún Steinarsdóttir og Sunna Ósk Jakobsdóttir.
Greinin birtist fyrst í Jólablaði Vikudags sem unnið var af nemum i fjömiðlafræði við Háskólann á Akureyri.
Þær Sigrún Steinarsdóttir og Sunna Ósk Jakobsdóttir halda úti Facebook-hópnum: Matargjafir Akureyri og nágrenni, þar sem þær sjá um að deila út matvöru til þeirra sem minna mega sín. Þær hafa staðið fyrir þessum matargjöfum undanfarin fimm ár en senn líður að sjöttu jólunum sem þær sjá um að gefa mat.
„Ég var bara eitthvað að fikta á Facebook og sá þá síðu sem sér um að gefa matargjafir í Reykjavík og ákvað að skella einni upp hér á Akureyri,” segir Sunna sem fékk svo Sigrúnu til liðs við sig.
Þær halda úti Facebook-hópnum: Matargjafir Akureyri og nágrenni en í hópnum eru u.þ.b. 1.700 meðlimir. Í gegnum hópinn fá þær aðstoð utan úr bæ frá fólki sem vill gefa matvöru sem það sjálft getur ekki nýtt. „Við fáum yfirleitt beiðnir, frá fólki í vanda, beint til okkar og við sjáum um að setja auglýsingu á síðuna,“ segir Sigrún.
Til að byrja með fóru þær sjálfar og keyptu matvöru fyrir fólk - það nauðsynlegasta, en eftir komu Bónuskortanna heyrir það sögunni til. Fólk getur nú keypt sjálft inn með slíkum kortum. Aðspurðar hvers vegna þær hafi ákveðið að fara út í þetta segja þær að það hafi verið orðið erfiðleikum bundið fyrir marga að sækja um hjá hjálparsamtökum á borð við Mæðrastyrksnefnd þar sem allir koma á sama tíma. Hver og einn kemur hins vegar til þeirra á eigin forsendum og er fullum trúnaði heitið.
Hátíðirnar erfiður tími
Eins og gefur að skilja geta hátíðirnar verið erfiður tími og það er engin undantekning á því á þessum vettvangi en Sunna og Sigrún gera auglýsingu fyrir hver jól þar sem þær óska eftir beiðnum og ábendingum en þær hafa nú þegar komið sér upp lista fyrir komandi jól. Þó þær geti engu lofað fólki, þar sem þær stóla á framlög frá einstaklingum, hafa hlutirnir alltaf bjargast einhvern veginn. Þær stöllur segja að síðustu fimm jól hafi þær náð að útvega 460 fjölskyldum matvöru fyrir jólin.
Þær hafa nýtt framlög einstaklinga til þess að kaupa Bónuskort fyrir fólk í vanda, en hafa reyndar undanfarið einnig fengið hangikjöt og svínahamborgarhryggi en þá hafa Bónuskortin nýst til kaupa á meðlæti og annað. Matargjafir Akureyri og nágrenni starfa þó ekki eingöngu fyrir og um jól. Hópurinn er starfrækturallt árið þó flestar beiðnirnar berist yfir hátíðirnar; jól og páska.
Erfitt starf en gefandi
Þær Sunna og Sigrún sinna þessu verkefni af miklum krafti og í hreinni sjálfboðavinnu. Þær standa fyrir öllu sjálfar ásamt því að fá hjálp frá viljugum í gegnum Facebook-hópinn. Síðustu ár hafa þær reynt að fá fyrirtæki til þess að leggja eitthvað til en án árangurs. Þær taka við ábendingum um fólk í vanda sem sækist ekki eftir hjálpinni að eigin frumkvæði, en best er að hafa samband í gegnum síðuna. Þessar kraftmiklu konur vilja koma á framfæri þakklæti til þeirra örlátu einstaklinga sem hafa styrkt framtakið með einum eða öðrum hætti því án þeirra hjálpar væri þetta ekki hægt.
Hægt er að styrkja Matargjafir Akureyri og nágrenni með framlögum inn á bankareikning: 1187-05-250899, kt. 670117-0300 en þær taka einnig við matvöru og Bónuskortum.
-TRR
Nýjast
-
,,Þetta snýst þá bara um að fara rútuferð á fimmtudaginn”
Það var sannkölluð háspenna sem boðið var upp á í leik Þórs og Fjölnis í Íþróttahöllinni í kvöld. Tækist Þór að sigra væri sæti í Olis deild karla næsta keppnistímabil í höfn, færi Fjölnir með sigur þyrfti oddaleik n.k fimmtudag í Reykjavík. -
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss.
Athugasemdir