Gátu ekki leynt aðdáun sinni á KA-merkinu
Ingólfur Sverrisson skrifar
Loksins, loksins var nýi íþróttavöllurinn á Akureyri vígður föstudaginn 14. ágúst árið 1953. Að athöfninni lokinni léku Þór og KA fótboltaleik. Daginn eftir hófst svo Meistaramót Íslands í frjálsum íþróttum og þar með var bærinn okkar viðurkenndur með fyrsta flokks íþróttaaðstöðu. Ákvörðun um að byggja völlinn var tekin í bæjarstjórn 1944 en framkvæmdir hófust ekki fyrr en fjórum árum síðar. Enginn æsingur þar, en okkur strákunum á Eyrinni var slétt sama um það og fögnuðum þessari glæsilegu aðstöðu sem upp var risin og fórum að venja komur okkar á nýja völlinn. Þá fyrst kynntist ykkar einlægur því að fleira var til en fótbolti því þarna var boðið upp á ljómandi aðstöðu til að stunda frjálsar íþróttir: Ný hlaupabraut, kasthringir og aðstaða fyrir hástökk og langstökk. Þetta var gaman og fyrr en varði vorum við farnir að æfa og keppa við jafnaldra okkar úr öðrum bæjarhlutum. Kári Árnason úr Hólabrautinni var einlægt betri en við hinir, stökk bæði lengra og hærra og svo frár á fæti að enginn hafði roð við honum. Síðar reyndust þessir hæfileikar honum vel þegar hann varð landsfrægur fótboltamaður.
Á þessum tíma áttu Akureyringar frábæra frjálsíþróttamenn sem við strákarnir horfðum mjög upp til. Úr þeim vaska hópi má nefna Óðin Árnason sem var í fremstu röð langhlaupara ásamt Hreiðari Jónssyni millivegahlaupara. Þessir kappar fóru jafnan hægt af stað í hlaupunum og oft aftastir framanaf en þegar nær dró markinu hertu þeir á sér og áður en yfir lauk voru þeir komnir vel fram úr öðrum og fögnuðu oftast sigri. Þessi frammistaða kallaði á ómælda aðdáun okkar strákanna á þeim og fleiri afreksmönnum og við áttum þann draum heitastan að ná sama árangri og verða frægir! Það kom sér því vel, eftir að nýi íþróttavöllurinn var kominn í brúk, að KA tók þjálfun ungmenna í frjálsum föstum tökum undir stjórn bankamannanna Halldórs Helgasonar og Haralds Sigurðssonar Þeir hvöttu okkur sem vorum að hlaupa og stökkva á nýja svæðinu að ganga í félagið, æfa þar og keppa svo undir merki KA þegar tímar liðu fram. Enginn gæti náð marktækum árangri nema æfa skynsamlega og leggja hart að sér. Þarna var teningnum kastað og ykkar einlægur gekk í KA þrátt fyrir að vera kominn af þekktri Þórsfjölskyldu. En nauðsyn braut allar hefðir enda til mikils að vinna ef vel tækist til.
Því var það að dag einn kom ég heim með útsaumað KA-merki í litum og mamma saumaði það fast í íþróttabolinn minn. Aldrei hafði ég séð fallegra merki og stoltur sýndi ég systkinum mínum það og þau gátu heldur ekki leynt aðdáun sinni. En pabbi lét sér fátt um finnast, þagði og horfði í aðra átt enda innvígður Þórsari. Hann sagði þó ekki orð og heimilsfriðurinn var tryggður. Mikilvægur þáttur í þeirri friðargjörð var trúlega sú staðreynd að unirritaður hélt áfram að styðja Þór í fótbolta. Sumir sögðu - og segja enn - að það sé mikil tilætlunarsemi að reyna að fá aðra til að skilja þann furðulega tvískinnung að vera í KA en halda með Þór!
Ingólfur Sverrisson
Nýjast
-
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar. -
Háskólinn á Akureyri Endurskoðun jafnréttisáætlunar í fullum gangi
Um þessar mundir stendur yfir endurskoðun á áætlun háskólans um jafna stöðu kynjanna sem gildir frá 2021 til 2024 og jafnréttisráð Háskólans á Akureyri stendur að þeirri vinnu. Jafnréttisráð HA er öflugt og virkt ráð sem heldur reglulega fundi og tekur fyrir og fylgir eftir erindum starfsfólks og stúdenta. Þá er boðið upp á fræðslu innan skólans ásamt þátttöku í skipulagi Jafnréttisdaga sem haldnir eru árlega. Ráðið hefur starfskraft á sínum snærum, Sæunni Gísladóttur, sérfræðing hjá Rannsóknamiðstöð Háskóla Akureyrar. -
Andrésar andarleikarnir haldnir í 48 sinn
Andrésar andarleikarnir í skíðaíþróttum verða haldnir í Hlíðarfjalli í næstu viku, dagana 24.-27. apríl. Skíðafélag Akureyrar heldur leikana og er þetta í 48. sinn sem efnt er til þeirra. -
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram. -
Formannaskipti í Sjálfsbjörg, félagi fatlaðara á Akureyri og nágrenni
Formannaskipti urðu í Sjálfsbjörg, félagið fatlaðra á Akureyri og nágrenni á aðalfundi nýverið. Herdís Ingvadóttir lét af formennsku eftir 24 ár. Hún getur að sögn gengið stolt frá borði eftir farsæla setu í stól formanns. Hún hafði um 6 ára skeið þar á undan setið í stjórn félagsins eða í allt í þrjá áratugi.
Athugasemdir