Gamla fréttin: Morðtilraun á Akureyri
Myndin er skjáskot úr bresku kvikmyndinni Hysteria frá árinu 1965 og tengist fréttinni ekki neitt.
Gamla fréttin er að þessu sinni úr Alþýðublaðinu sáluga og birtist í 89. tölublaði þann 21. Apríl 1965 og segir frá morðtilraun á Akureyri.
Akureyri, 20. apríl. — GS-GO.
MORÐTILRAUN var gerð hér skömmu eftir miðnætti aðfaranótt föstudagsins langa. Maður réðist að konu með hníf að vopni. Var hann þá nýbúinn að hóta henni lífláti.
Konunni tókst að grípa utan um hnífsblaðið og hélt fast. Við það skarst hún mikið á hendi, en manni, sem þarna var nærstaddur, gafst ráðrúm til að skerast í leikinn og réðst hann að árásarmanninum. Ellefu ára gamall sonur konunnar komst út og náði í lögregluna, sem kom mjög bráðlega og tók árásarmanninn í sína vörzlu.
Athurður þessi átti sér stað í íbúð konunnar, sem er þýzk að þjóðerni, en hefur verið búsett á Akureyri um árabil. Maðurinn, sem skarst í leikinn, er fyrrverandi eiginmaður hennar, en hann kemur oft á heimili hennar til að heimsækja börn sín. Þetta kvöld sat hann yfir börnunum á meðan móðir þeirra var í fermingarveizlu.
Árásarmaðurinn er Dani, sem búið hefur á Akureyri í þrjú ár. Hefur hann verið til húsa hjá konunni í nokkurn tíma. Um kvöldið tilkynnti hann eiginmanninum fyrrverandi að hann myndi ekki sjá konuna aftur. Og þegar hún kom heim skömmu eftir miðnætti réðist hann umsvifalaust á hana með sveðju að vopni. Eins og fyrr segir tókst henni að grípa um blaðið og skarst hún mikið á hendi og var flutt á sjúkrahús og gert að sárum hennar þar. Hjónunum fyrrverandi tókst í sameiningu að koma árásarmanninum út og læsa á eftir honum og var hann enn á tröppunum, þegar lögreglan kom og handtók hann. Hann situr nú í gæzluvarðhaldi. /EPE
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.