Gamanmyndin Jóhannes, með Ladda í aðalhlutverki, frumsýnd
Í þessari hreinræktuðu gamanmynd leikur Laddi myndlistarkennarann Jóhannes sem upplifir dag sem ætlar engan endi að taka. Þessi ólukkudagur hefst á því að Jóhannes stoppar í grenjandi rigningu á Reykjanesbrautinni til að hjálpa ungri stúlku sem er í bílavandræðum. Í framhaldinu hefst atburðarás sem er í senn hröð, spennandi en fyrst og fremst fyndin. Greiðasemi Jóhannesar kemur honum í endalaus vandræði þar sem allar tilraunir til að losa sig úr vandanum auka bara á hrakfarirnar. Á vegi Jóhannesar verða ýmsir kostulegir karakterar, bandbrjálaður afbrýðissamur kærasti Tótu, afar metnaðarfullur skólastjóri, óalandi unglingur og bráðskemmtilegt lögregluþjónatvíeyki. Á meðan Jóhannes stendur í stórræðum er tengdamóðir hans háöldruð á leiðinni í stelpuferð til Köben með vinkonum sínum tveim. Þær sýna það svo um munar að heldri frúr slá ekki af í skemmtanahaldinu. Tengdamóðirin lætur ferðalagið ekki trufla sig við eftirlætisiðju sína en það er að leggja Jóhannes í einelti. Myndin er mikil skemmtun frá fyrstu til síðustu mínútu. Í þessa mynd þarf því engar stáltaugar bara hláturtaugar og örlítið af meðaumkun yfir óförum Jóhannesar.
Laddi, einn ástsælasti gamanleikari þjóðarinnar, sem nú er óumdeilt á hátindi ferils síns hefur leikið í 16 kvikmyndum og ótal sjónvarpsþáttum auk þess sem hann hefur verið afkastamikill skemmtikraftur og tónlistarmaður. Jóhannes er fyrsta kvikmyndin þar sem Laddi fer með aðalhlutverk en ósjaldan hefur hann stolið senunni í þeim myndum þar sem hann hefur verið í aukahlutverki. Jóhannes er einnig fyrsta kvikmyndin þar sem feðgarnir Laddi og Þórhallur Þórhallsson vinna saman en Þórhallur yngri virðist ætla að feta í fótspor föður síns og ber nú titilinn; Fyndnasti maður Íslands, eftir að hafa sigrað samnefnda keppni. Gamanmyndin Jóhannes var tekin í sumar í Reykjavík, Hafnarfirði, Hvalfirði, Borgarfirði, Leifsstöð og Kastrup flugvelli. Alls störfuðu um 70 manns við gerð myndarinnar auk fjölda aukaleikara. Myndin verður frumsýnd í dag 16. október, sem fyrr segir, í Laugarásbíói, Háskólabíói, Smárabíói og Borgarbíói á Akureyri.
Nýjast
-
Enginn titill
Í dag kl 16:15 verður á Ráðhústorgi á Akurreyri friðar og samstöðustund með íbúum á Gasa. Það eru frænkur tvær sem fyrir þessum viðburði standa en þær eiga afmæli í dag og vilja láta gott af sér leiða í tilefni dagsins. -
Mitt á milli nálægðar og endalausrar fjarlægðar
Listaverkið Mitt á milli nálægðar og endalausrar fjarlægðar eftir Kristinn E. Hrafnsson hefur verið hreinsað og lagað en verkið hefur staðið við inngang fiskvinnsluhúss Útgerðarfélags Akureyringa í þrjátíu ár og var farið að láta á sjá. -
Súlur 2025 eru komnar út
Ársrit Sögufélags Eyfirðinga er komið út og færir alls 12 greinar er varða ýmist fortíð eða nútíð. -
Skemmtileg hefð
Þann 10. júní síðastliðinn komu skemmtiferðaskipin Emerald Princess (Princess Cruises) og Viking Vela (Viking Ocean Cruises) í sínar fyrstu heimsóknir til Akureyrar. -
Bíladagar eru að hefjast á Akureyri
Bíladagar á Akureyri hefjast á morgun, föstudaginn 13. júní. Öll formleg dagskrá fer fram á aksturssvæði Bílaklúbbs Akureyrar við Hlíðarfjallsveg, fyrir utan bílasýninguna 17. júní í Boganum. -
Fundað með forsætisráðherra um stöðu Norðurlands eystra
Sveitarstjórar sveitarfélaga innan SSNE og framkvæmdastjóri samtakanna áttu í morgun fund með Kristrúnu Frostadóttur forsætisráðherra, þar sem þau lýstu áhyggjum af stöðu flutningskerfis raforku á svæðinu. Fundurinn var haldinn að frumvæði sveitarfélaganna sem vilja tryggja að raforkuinnviðir hamli ekki áframhaldandi atvinnuuppbyggingu á Norðurlandi eystra. -
Penninn á Akureyri 25 ára
„Verslun okkar á Akureyri er með vinsælli verslunum okkar,“ segir Ingimar Jónsson forstjóri Pennans. Nú eru 25 ár liðin frá því Penninn Eymundsson opnaði verslun sína á Akureyri og af því tilefni verða allar vörur á 25% afslætti fimmtudag, föstudag og laugardag. -
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð.
