Gagnrýni á Eyrarsundið mest áberandi á kynningarfundi

28. febrúar, 2010 - 11:21 Fréttir
Gagnrýni á Eyrarsundið mest áberandi á kynningarfundi
Hann var þétt setinn bekkurinn í Brekkuskóla þegar þar fór fram kynning á nýju deiliskipulagi austurhluta miðbæjarins á Akureyri á dögunum. Talið er að um 230 manns  hafi verið í salnum þegar mest var. "Mér hefur alltaf fundist ánægjulegt hversu vel Akureyringar sækja svona borgarafundi og láta sig málin varða, það er óskaplega mikilvægt fyrir okkur," segir Sigrún Björk Jakobsdóttir forseti bæjarstjórnar og formaður stýrihópsins vegna miðbæjarskipulagsins.  

Á fundinum kynntu bæjaryfirvöld, skipulagshönnuðir frá Greame Massie Architects og aðrir ráðgjafar skipulagstillögunina og svöruðu fyrirspurnum. Sigrún Björk var ánægð með fundinn - umræður og fyrirspurnir hafi verið góðar og menn skiptust óhikað á skoðunum. "Mér fannst flestir vera ánægðir með heildarhugmyndina sem liggur að baki skipulaginu, í prinsippinu snýst þetta um hvar við ætlum að byggja upp til framtíðar hér í bæ - ætlum við að byggja upp hótel og mögulega aðra íbúðabyggð, verslun og þjónustu í miðbænum eða í útjaðri bæjarins, eins og Jóhannes Árnason fulltrúi VG í stýrihópnum orðaði það svo ágætlega á fundinum," sagði Sigrún Björk.

Hún sagði að ríkt hafi mikill einhugur og þverpóltísk sátt um þetta verkefni í stýrihópnum. "Því fannst mér dapurlegt þegar bæjarfulltrúar VG í bæjarstjórn studdu ekki sinn mann og höfnuðu því að setja skipulagið í auglýsingu. Við erum að horfa í þessu skipulagi til mjög langs tíma og viljum einfaldlega vera reiðubúin þegar efnhagslífið tekur við sér á nýjan leik og eiga lóðir og svæði til uppbyggingar á besta stað við þjóðveg 1. Viljayfirlýsing frá Icelandair um hóteluppbyggingu er mikilvægur áfangi á þessari leið. Fyrirhugaðar breytingar á Glerárgötunni mun skipta miklu máli við að ná fram nýjum áherslum á að gera umhverfið mannvænlegra og meira aðlaðandi fyrir gangandi vegfarendur og ég held að það muni skipta sköpum fyrir miðbæinn okkar," sagði Sigrún Björk.
Gagnrýni á Eyrarsundið (síkið) var mest áberandi, að sögn Sigrúnar Bjarkar. Fólk hefur áhyggjur af straumi og vatnaskiptum í því og að þetta verði einhver staðnaður pollur. Eins er kostnaður við gerð Eyrarsundsins töluverður og því er eðlilegt að menn staldri við það. "Bílastæðamálin og fækkun þeirra eru líka mál sem fólk hefur áhyggjur af en flestum kemur engu að síður á óvart að það séu ríflega 1000 bílastæði á miðbæjarsvæðinu."

Eftir fundinn fóru um 20 manns í göngutúr niður á miðbæjarsvæðið, þar sem fólk gat betur séð þessar breytingar fyrir sér. "Það er eitthvað sem við munum endurtaka og bjóða uppá aftur fljótlega og þá væri gaman að sjá meira af ungu fólki taka þátt - fólkinu sem mun byggja þennan bæ næstu áratugina," sagði Sigrún Björk.

Til baka

Nýjast

  • Gamla verslunin í Vaglaskógi jöfnuð við jörðu

    • 17.05.2025
    „Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“

  • Hamrastígur og Kirkjugarðsstígur Finnur ehf bauð lægst í stígagerðina

    • 17.05.2025
    Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.

  • Alþjóðaflugvöllur á Akureyri verði byggður upp

    • 16.05.2025
    Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands

  • Grafalvarleg staða í rekstri PCC Bakka rædd í atvinnuveganefnd Alþingis.

    • 16.05.2025
    Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.

  • Listasafnið á Akureyri Nýjar sýningar opnaðar

    • 16.05.2025
    Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.

  • Orkey fyrst á Íslandi með sjálfbærni- vottaða framleiðslu á lífeldsneyti

    • 16.05.2025
    Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.

  • Heyrn er ekki munaður – hún er þátttaka

    • 16.05.2025
    Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.

  • Sundlaug Akureyrar lokuð 18.-22. maí – opið lengur í Glerárlaug 18. maí

    • 15.05.2025
    Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.

  • Byggingaréttur á lóðum á Torfunefsbryggju boðin út í maí

    • 15.05.2025
    Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.  
Sjá meira