Gagnrýna umræðu um vímuefnaneyslu
Stjórn Hugins, nemendafélagsins í Menntaskólans á Akureyri, vill koma á framfæri sjónarmiði nemenda vegna fréttar sem Vikudagur birti nýrverið um drykkju unglinga á Akureyri. Í fréttinni kom fram að foreldrar nemenda skólans hafi áhyggjur af vaxandi drykkju ungmenna í 1. og 2. bekk skólans og aukinnar notkunar á Mollý. Heitar umræður spruttu upp í kjölfarið á samfélagsmiðlunum.
Nýlega hefur það verið í umræðunni að drykkja nemenda í framhaldsskólum á Akureyri sé að færast í aukana og sömuleiðis að unglingar séu sumir hverjir farnir að nota fíkniefnið Mollý. Í frétt sem birtist á Pressunni segir foreldri nemanda í 1. bekk í MA að hún taki eftir töluverðri drykkju unglinga á þessum aldri. Þá talar hún um sameiginlega hittinga nemenda á 1. og 4. ári.
Þessir hittingar hafa verið haldnir í fjöldamörg ár. Síðustu ár hafa þessi partí ekki verið vel liðin meðal foreldra og var þá gripið til ýmissa ráða til að reyna að fækka þeim. Eitt af því var að nemendur á 4. ári ákváðu að láta foreldra nemenda á 1. ári alltaf vita þegar slík partí voru haldin. Þetta hefur verið gert núna allt síðasta ár við góðar undirtektir foreldra.
Mörgum foreldrum finnst eftirlitslausum hittingum þó vera að fjölga, en okkar reynsla af þessu er önnur. Þessir hittingar hafa nefnilega verið í algjöru lágmarki þetta skólaárið og ekkert alvarlegt mál hefur komið upp tengt þeim. Enda vita foreldrar ef slík partí eru haldin og það er auðvitað rétt sem Anna Hildur bendir á að foreldrar bera ábyrgð á börnunum.
Okkur finnst líka ekki rétt að tala um skólana í þessu samhengi. Þetta kemur þeim í raun lítið við. Allir viðburðir sem eru haldnir á vegum skólans eru áfengis- og vímuefnalausir, enda hefur MA lengi verið þekktur fyrir það. Þetta tengist frekar aldrinum. Á þessum aldri eru unglingar forvitnir, það er á þessum tímapunkti sem unglingar fara að prófa áfengi og sumir kannski eitthvað annað.
Það sem er þó kannski einkennilegast við þessar staðhæfingar er að þær eru í þveröfuga átt við þá þróun sem rannsóknir á nemendum sýna. Niðurstöður þeirra eru þær að drykkja nemenda í MA sé að minnka, og enn frekar notkun fíkniefna. Þó við séum bara átta í stjórn skólafélagsins, komum við öll úr ólíkum hópum svo við höfum tengingar inn í nánast allt sem fram fer bæði innan og utan veggja skólans. Við getum fullyrt að ekkert okkar hefur orðið vart við aukna drykkju, og hvað þá notkun á Mollý. Við erum öll sammála um það að okkur finnist drykkja einmitt vera í minni mæli nú en undanfarin ár og því þykir okkur miður að foreldrar séu á öðru máli.
Við getum auðvitað ekki fullyrt enginn í MA noti Mollý, en að það sé töluverð notkun á efninu meðal nemenda er eitthvað sem á sér enga stoð. Það er þó án efa vert umhugsunarefni að fræða þurfi unglinga betur um þessi efni, þar sem margir telja þau valda mun minni skaða en þau gera."
Bestu kveðjur f.h. Hugins
Valgeir Andri Ríkharðsson
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
