Fyrsta ráðstefnan um álfa og huldufólk sem haldin er hér á landi
„Það eru mörg áhugaverð og spennandi erindi á dagskrá og við finnum fyrir miklum áhuga,“ segir Bryndís Fjóla Pétursdóttir sem rekur félagið Huldustíg ehf. á Akureyri sem ásamt fjölmörgum öðrum efnir til ráðstefnum um álfa og huldufólk í Menningarhúsinu Hofi 20. apríl næstkomandi. Þetta er fyrsta ráðstefna sinnar tegundar hér á landi. Fjölmargir fyrirlestrar eru á dagskrá auk þjóðlegra skemmtiatriða inn á milli. Nauðsynlegt er að kaupa miða á ráðstefnuna fyrir fram því fjöldi þátttakenda takmarkast við 90 manns.
Bryndís Fjóla segir undirbúning í höndum þeirra sem þátt taki í ráðstefnunni, en þeir hafi unnið mikið og óeigingjarnt starf við að undirbúning sinna erindi, aflað heimilda og unnið úr þeim.
Þjóðin haft yndi af því að segja sögur
„Þjóðarmenningin okkar hefur litast af frásagnargáfu bæði í ræðu og riti og við þurfum að vera duglega að halda þessari gáfu við,“ segir Bryndís Fjóla. Lífið verði áhugaverðara og dýpra með fleiri víddir og þær upplifanir sem við njótum í formi listar af ýmsu tagi. Hún nefnir að þær heimildir sem til umfjöllunar verða á ráðstefnunni séu einstakar á heimsvísu. Það sé táknrænt að ráðstefnan fari fram á Norðurlandi en í þeim landsfjórðungi eru flestar ritaðar heimildir að finna um álfa og huldufólki.
Samstarf við söfn og skóla
Þegar undirbúningur ráðstefnunnar hófst fór af stað samstarf við bæði söfn og grunnskóla á svæðinu. Minjasafnið, Listasafnið og Amtsbókasafnið styðja ráðstefnuna með framlagi til heimildasöfnunar, m.a. verða í boði myndlistarsýningar, listasmiðjur og þemadagar þar sem fjallað verður um álfa og huldufólk. Þegar hefur verið opnuð myndlistarsýning barna á Amtsbókasafninu sem ber heitið Huldufólk og þjóðsagnaverur. Þar sýnir 1. bekkur í Glerárskóla listaverk sem sköpuð voru eftir heimsókn í Lystigarðinn þar sem Bryndís Fjóla tók á móti þeim og sagði frá hulduheimum. Næsta sunnudag, 14. apríl stendur Huldustígur fyrir listasmiðjunni: Lifandi náttúra í samstarfi við listakonuna Rakel Hinriksdóttur. Þá má nefna að myndlistarsýning verður sett upp í Hofi, en þar er um að ræða myndlistasýningu nemenda í Brekkuskóla og verður sett upp í tengslum við Barnamenningarhátíð og ráðstefnuna um álfa og huldufólk. Hún nefnist Hulduverur og verður opin frá 19. apríl til 29. apríl.
Tengsl okkar við náttúruna hafa dofnað
„Mér þykir nauðsynlegt að öll börn á Íslandi fái jafna túlkun og fræðslu um okkar óáþreifanlega menningararf og hvar og hvernig hann birtist. Einnig þau sem setjast hér að og hafa ekki aðgang að ættingjum sem geta upplýst þau eins og t.d. nemendur af erlendum uppruna. Trú okkar Íslendinga á álfa og huldufólk er mikilvægur þjóðar- og menningararfur og nú sem aldrei fyrr er brýnt að halda þessari arfleifð á lofti og viðhalda henni,“ segir Bryndís Fjóla. Tengsl okkar við náttúruna hafa dofnað og þar með vitund okkar um álfa og huldufólk. Eldri kynslóðir hafi skynjað náttúruna með öðru hætti og voru í betri tengslum við hana. Meirihluti núverandi Íslendinga af yngri kynslóð býr í þéttbýli þar sem sótt er á græn svæði, allir eru uppteknir af tækninni og jafnvel þegar verið að njóta útivistar kjósa margir að hafa tónlist eða annað í eyrunum á ferð sinni. „Við þetta glatast smám saman hæfileikinn til að finna fyrir náttúrunni og það er miður.“
Ráðstefnan er styrkt af SSNE, Akureyrarbæ, Vegagerðinni, AkureyrarAkademíunni og Fjord. Miðaverð er hagstætt og innifalið í því eru veitingar meðan á ráðstefnu stendur. Áhersla er lögð á að möguleika á góðum samræðum í matar- og kaffihléum sem og í lok ráðstefnunnar.
Öll erindi verða flutt á íslensku og fjalla um álfa og huldufólk og þær íslensku heimildir sem til eru um þær. Aðalfyrirlesari ráðstefnunnar er Inga Lísa Middleton myndlista- og kvikmyndagerðarkona, búsett í London, en hún fjallar í sínu erindi um huldufólk og álfa, áhrif þeirra á listsköpun í landinu og mikilvægi þess að halda sögu þeirra lifandi í gegnum listir. Erindi eru um brautryðjendur og verk þeirra Erlu Stefánsdóttur sjáanda og Margréti frá Öxnafelli. Ýmsar óbirtar heimildir verða til umfjöllunar frá náttúrufræðingnum Helga Hallgrímssyni. Skólastjórnandinn Hrund Hlöðversdóttir stígur á stokk með mjög áhugavert erindi, og einnig leiðsögukonan Sólveig Bennýar og sjándinn Eygló Jóhannesar.
Hrund Hlöðversdóttur flytur erindi sem nefnist: Eru álfheimar við hliðina á þér?
Bryndís Fjóla Pétursdóttur rekur fyrirtækið Huldustígur sem ásamt fleirum hefur unnið að undirbúningi ráðstefnu
um álfa og huldufólk sem er hin fyrsta sinnar tegundar hér á land
Ingunn Sigmarsdóttur þjóðfræðingur og grunnskólakennara fjallar um huldufólksbyggðir og álagabletti til forna
og áhrif þeirra á byggingaframkvæmdir sem enn eru í gangi í okkar heimabyggð.
Nýjast
-
,,Þetta snýst þá bara um að fara rútuferð á fimmtudaginn”
Það var sannkölluð háspenna sem boðið var upp á í leik Þórs og Fjölnis í Íþróttahöllinni í kvöld. Tækist Þór að sigra væri sæti í Olis deild karla næsta keppnistímabil í höfn, færi Fjölnir með sigur þyrfti oddaleik n.k fimmtudag í Reykjavík. -
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss.
Athugasemdir