Fundu sér tíma til að tengja með Skriðjöklum
Á kaffistofu Skarps á Húsavík. Kristján Svavarsson og Bjarni Hafþór Helgason. Kristján heldur á dýrgripnum Manstu eftir Berlín bollan ðín. Mynd: JS
Þeir hittust á Húsavík á dögunum, gömlu félagarnir Bjarni Hafþór Helgason frá Grafarbakka og Kristján Svavarsson úr Vegamótum og var auðvitað menningarviðburður. Kristján býr enn á staðnum en Hafþór brotthlaupinn þaðan fyrir alllöngu.
Sá síðarnefndi var að heimsækja ættingja í bænum og gerði í leiðinni boð fyrir félaga Kristján til af afhenda honum mikinn kjörgrip, eintak af tveggja laga plötu hljómsveitarinnar Skriðjökla frá árinu 1986 sem ber það pönkaða nafn „Manstu eftir Berlín bollan ðín.“
Kristján hefur í áratugi verið ötull plötusafnari og lengi haft úti spjót til að eignast þessa plötu sem hefur nánast frá útgáfudegi verið ófáanleg, enda stendur á plötuumslaginu: Ath: Plötu þessa má alls ekki selja! Við þessa frómu yfirlýsingu stóðu Skriðjöklar og gáfu gripinn flestum sem hafa vildu og sögðust enda hafa verið að gefa plötuna út, ekki selja hana út.
Kristján hafði lengi verið að nudda í félaga sínum að redda sér eintaki af plötunni, enda honum málið skylt, þar sem Bjarni Hafþór hafði samið annað lagið á plötunni, hið klassíska Tengja og annar góðkunningi Kristjáns, Arnar Björnsson, á textann með hinni ógleymanlegu hendingu sem er orðinn hluti af íslenskum menningararfi: Er ekki tími tilkominn að tengja?
Vandinn var að sá að Hafþór átti sjálfur ekki eintak og hafði ekki átt í áratugi. En fyrir nokkru brá hann á það ráð að leita og falast eftir plötunni á facebook og hafði upp úr því krafsinu heil þrjú eintök af þessum dýrgrip. Og að sjálfsögðu var eitt þeirra eyrnamerkt Kristjáni Svavarssyni.
„Mig er búið að dreyma um þessa stund í mörg ár.“ Sagði Kristján nánast klökkur þegar hann tók við þessu 45 snúninga bleika Skriðjökladýrindi úr hendi vinar síns Haffa. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.