Fundað um alvarlega stöðu í Grímsey
Miðvikudaginn 28. janúar næstkomandi, boðar Akureyrarkaupstaður til íbúafundar í Grímsey, í samstarfi við Byggðastofnun og Atvinnuþróunarfélag Eyjafjarðar. Markmið fundarins er að kalla eftir samtali íbúa, hagsmunaaðila og stofnana um stöðu og möguleika í sjávarútvegi og atvinnulífi í Grímsey. Fundurinn verður haldinn í Félagsheimilinu Múla og hefst kl. 16.30. Áætlað er að honum ljúki kl. 19.00.
Strax morguninn eftir, fimmtudaginn 29. janúar kl. 11.00, er boðað til blaðamannafundar vegna málsins í Menningarhúsinu Hofi á Akureyri. Þingmönnum kjördæmisins verður sérstaklega boðið á þann fund.
Á báðum fundum mun Þorvaldur Lúðvík Sigurjónsson, framkvæmdastjóri Atvinnuþróunarfélags Eyjafjarðar, skýra frá þeirri vinnu sem hann hefur leitt í viðræðum við útgerðir og stofnanir um leiðir til að renna styrkari stoðum undir sjávarútveginn í eyjunni. Þess ber að geta að ekki er komin niðurstaða í þá vinnu en framhaldið ætti að skýrast á næstu vikum.
Aðalsteinn Þorsteinsson, forstjóri Byggðastofnunar, mun greina frá þeim leiðum sem Byggðastofnun hefur til stuðnings og hvaða skilyrði þarf að uppfylla til að hægt sé að beita þeim.
Eiríkur Björn Björgvinsson, bæjarstjóri á Akureyri, skýrir frá afstöðu Akureyrarkaupstaðar og hvernig bærinn getur stutt við atvinnuuppbyggingu í Grímsey.
Grímsey er eitt tíu samfélaga sem sótt hafa um þátttöku í verkefni Byggðastofnunar í svokölluðum brothættum byggðum. Það verkefni er nú í biðstöðu vegna úttektar á vegum atvinnuvega- og nýsköpunarráðuneytis og ekki hefur verið tekin ákvörðun um í hvaða röð þessir tíu staðir komast að. Vegna þeirrar óvissu sem upp er komin í Grímsey var það hins vegar sameiginleg niðurstaða Akureyrarkaupstaðar og Byggðastofnunar að efna til íbúafundar strax í stað þess að bíða þess að Grímsey komist að í verkefninu brothættar byggðir, segir í tilkynningu frá Akureyrarbæ.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
