Framsýn setur út á fréttaflutning RÚV
Frá iðnaðarsvæðinu á Bakka. Mynd/JS
Framsýn stéttarfélag gerir athugasemdir við fréttaflutning RÚV um stöðu innflytjenda í Norðurþingi. Þar vísar stéttarfélagið til sjónvarpsfréttar frá 16. ágúst sl. Þar er sagt frá því að fjöldi erlendra ríkisborgara í sveitarfélagnu hafi nær þrefaldast á tveimur árum, vegna iðnaðaruppbyggingar á Bakka við Húsavík.
Í fréttinni er því haldið fram að launakjör innflytjenda í Norðurþingi séu mun lakari en í nágrannasveitarfélögum við Eyjafjörð. Stuðst er við tölur úr könnun sem Háskólinn á Akureyri (HA) gerði haustið 2015.
Í athugasemdum Framsýnar er bent á að þegar könnunin sem vitnað er í var gerð, 2015 hafi uppbyggingin á Bakka verið skammt á veg komin og fáir ef einhverjir innflytjendur að störfum þar. Þá kemur fram að fulltrúar stéttarfélagsins hafi þegar fundað með fulltrúum HA. Á þeim fundi hafi fengist upplýst að úrtakið fyrir könnunina væri ófullkomið og gæfi því ekki rétta mynd af stöðunni hvað varðar launakjör.
Framsýn stéttarfélag vísar því alfarið á bug að starfskjör innflytjenda í Norðurþingi fyrir sambærileg störf séu verulega lægri en í nágrannasveitarfélögunum. Slíkar fullyrðingar standist ekki skoðun.
Athugasemdir Framsýnar má lesa í heild sinni hér að neðan.
„Ríkissjónvarpið gerði að umræðuefni stöðu innflytjenda í sveitarfélaginu Norðurþingi í síðustu viku þar sem uppbyggingin á Bakka við Húsavík var til umfjöllunar. Þar var m.a. fullyrt að launakjör innflytjenda væru mun lægri en í nágrannasveitarfélögum við Eyjafjörð. Byggt var á könnun sem Háskólinn á Akureyri gerði á sínum tíma.
Ríkissjónvarpið gerir því skóna að meint slæm kjör innflytjenda í Norðurþingi tengist uppbyggingunni á Bakka. Þar er skautað framhjá þeirri staðreynd að könnunin sem vitnað er í var unnin á haustmánuðum 2015. Á þeim tíma voru framkvæmdir á Bakka í mýflugumynd og fáir ef nokkrir innflytjendur að störfum þar. Þar með er vandséð hvernig könnunin getur tengst því erlenda vinnuafli sem hefur starfað á Bakka síðustu misseri.
Framsýn hefur þegar fundað með fulltrúum Háskólans á Akureyri þar sem alvarlegar athugasemdir voru gerðar við könnunina hvað starfskjör innflytjenda varðar. Upplýst var af hálfu Háskólans að úrtakið væri ófullkomið og gæfi því ekki rétta mynd af stöðunni varðandi launakjörin sem staðfestir gagnrýni Framsýnar.
Framsýn vísar því alfarið á bug að starfskjör innflytjenda í Norðurþingi fyrir sambærileg störf séu verulega lægri en í nágrannasveitarfélögunum. Slíkar fullyrðingar standast ekki skoðun og eiga því ekki við rök að styðjast.
Starfskjör innflytjenda í Norðurþingi eru sambærileg eða betri en almennt gerist á landsbyggðinni. Þar kemur ekki síst til sú mikla þensla sem hefur átt sér stað á svæðinu og tengist uppbyggingu orkufreks iðnaðar, byggingu Vaðlaheiðargangna, uppbyggingu í ferðaþjónustu sem og öflugu vinnustaðaeftirliti stéttarfélaganna í Þingeyjarsýslum.“
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.