Framleiðsla Laxár á fiskafóðri jókst um 25% á milli ára
Framleiðsla fyrir innanlandsmarkað hefur tvöfaldast á sl. 2 árum.
Rekstur Fóðurverksmiðjunnar Laxár hf. á Akureyri gekk vel á síðasta ári og nam framleiðslan um 8.000 tonnum af fiskafóðri sem er aukning um 25% frá fyrra ári. Velta fyrirtækisins jókst á milli ára og var um 1,5 milljarðar króna á liðnu ári, en þar kemur bæði til aukið magn og hækkanir á hráefnismörkuðum. Staða Laxár er fjárhagslega sterk og er fyrirtækið meðal 1% fyrirtækja sem hafa fengið vottun Creditinfo sem framúrskarandi fyrirtæki. Þetta kom fram á aðalfundi Laxár sem haldinn var nýlega. Nú starfa 8 starfsmenn hjá verksmiðjunni, þar af tveir í yfirstjórn, en Gunnar Örn Kristjánsson framkvæmdastjóri segir að samhliða aukinni framleiðslu síðsumars verði starfsmönnum fjölgað og verði 11 talsins þegar kemur fram á haustið. Hann segir að framleiðsla sé að jafnaði meiri yfir sumarmánuðina en að vetrinum og því þurfi góða skipulagningu til að fastir starfsmenn komist í sumarfrí um leið og byrjað er að keyra verksmiðjuna á tveimur vöktum.
Á liðnum árum hefur Laxá fjárfest umtalsvert í húsnæði fyrirtækisins í Krossanesi og vélbúnaði í verksmiðjunni. Stærsta fjárfesting félagins í húsnæði var kaup á skemmu sem er samvaxinn verksmiðju Laxár og fyrir liggur á næsta árum fjárfesting í sílóum fyrir hráefni til að gera verksmiðjunni kleift að takast á við aukið framleiðslumagn. Þá festi fyrirtækið kaup á nýjum forsjóðara sem undirbýr hráefni fyrir bökun og skilar umtalsverðri framleiðslu aukningu, en auk þess er það grunnur þess að geta framleitt nægilega fituríkt fóður fyrir laxeldi í sjókvíum hér innanlands og í Færeyjum.
Framleiðsla Laxár fyrir innanlandsmarkað hefur tvöfaldast á síðstliðnum tveimur árum og segir Gunnar Örn að ef áætlanir um aukningu í fiskeldi ganga eftir sjái menn fram á aðra eins aukningu á næstu tveimur árum. Eldi á bleikju í landstöðvum hefur aukist undanfarin ár ásamt því að umtalsvert magn af laxi er nú framleiddur í landstöð Silfurstjörnunnar við Öxarfjörð. Mesta aukningin í fiskeldi mun þó koma frá sjókvíaeldi á Vestfjörðum, þar sem Dýrfiskur stefnir á 5.000 tonna eldi á Regnbogasilungi á norðanverðum Vestfjörðum og Fjarðalax á 10.000 tonna eldi á laxi á sunnanverðum Vestfjörðum. Þessi uppbygging á sjókvíaeldi er spennandi þar sem báðir þessir aðilar eru í eigu erlendra félaga sem hafa góðan markaðsaðgang fyrir eldisfisk og þolinmótt fjármagn til að standa að uppbyggingu í áhættusamri atvinnugrein, segir Gunnar Örn.
Margir fylgist með uppbyggingu á sjókvíaeldinu fyrir vestan og ef vel tekst til telur hann sennilegt að það muni opna augu annarra fyrirtækja fyrir því að fiskeldi á Íslandi sé vel mögulegt þrátt fyrir fyrri áföll. Það er alveg ljóst að Ísland keppir aldrei við Noreg eða Chile í stórfelldu fiskeldi, en með því að skapa sérstöðu þá er vel hægt að byggja upp fiskeldi í 50 þúsund tonn og það væri mjög góð framtíðarsýn fyrir atvinnugreinina að frá Íslandi kæmi eingöngu lífrænt ræktaður eldisfiskur, segir Gunnar Örn.
Nýjast
-
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024. -
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“