Fokker flugvélarnar senn úr sögunni
Flugfélag Íslands hefur ákveðið að taka Bombardier Q400 vélar í rekstur í stað Fokker 50 flugvéla sem verið hafa í rekstri félagsins allt frá árinu 1992. Q400 vélarnar eru stærri en Fokker 50 og gerir Flugfélag Íslands ráð fyrir að taka þrjár vélar í 74 sæta útgáfu í sinn rekstur í stað þeirra fimm Fokker 50 véla sem félagið hefur í dag en í þeim eru 50 sæti.
Þetta kemur fram í tilkynningu frá Flugfélagi Íslands. Auk þess að vera stærri eru Q400 um 30% hraðfleygari en venjulegar skrúfuþotur og bíður því rekstur þessarar tegundar uppá nýja möguleika fyrir félagið.
Q400 vélarnar munu verða notaðar á hefðbundum stöðum í innanlandsflugi en einnig í stöðugt vaxandi Grænlandsflugi. Með þeim aukna hraða sem þessi tegund flugvéla býður uppá verða einnig nýir áfangastaðir skoðaðir.
Fyrir er Flugfélag Íslands með tvær Bombardier Q200 37 sæta flugvélar í rekstri. Gert er ráð fyrir að fyrsta Q400 vélin verði komin í flota félagsins fyrir árslok en seinni tvær komi í rekstur í upphafi árs 2016.
Töluvert hagræði fylgir því að taka upp þessa tegund flugvéla, ekki einungis stærðar hagkvæmni heldur er þjálfun flugmanna sambærileg á Q400 og Q200 og munu því allir flugmenn félagsins geta flogið öllum flugvélum félagsins án umfangsmikillar viðbótarþjálfunar. Einnig fylgir því hagræði að hafa einungis einn flugvélaframleiðanda sem birgja.
Um 500 Q400 vélar hafa verið framleiddar frá árinu 2000 og eru þær í notkun í öllum heimsálfum og margir stórir flugrekendur í Evrópu hafa valið Q400 í sinn flota, þannig rekur Flybe í Bretlandi um 60 slíkar vélar, Wideroe í Noregi hefur 11 Q400 í sínum flota og þannig mætti lengi telja.
Með því að taka upp þessa tegund flugvéla erum við ekki einungis að styrkja rekstur Flugfélags Íslands á núverandi markaði þess heldur einnig að skapa möguleika til að bæta nýjum stoðum undir reksturinn. Með þessari ákvörðun hefur verið lagður grunnurinn að öflugri uppbyggingu Flugfélags Íslands til framtíðar segir Árni Gunnarsson framkvæmdastjóri Flugfélags Íslands
Nýjast
-
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám.
