Flogið með um 500 sjúklinga í 476 flugum
Flestir sjúklingar fara til aðhlynningar á sjúkrahús í Reykjavík.
Sjúkraflug á liðnu ári voru alls 476, sem er aukning frá síðasta ári, en þá voru þau 440 talsins. Flogið var með rúmlega 500 sjúklinga í sjúkraflugunum. Lætur nærri að tveir af hverjum þremur sjúklingum séu fluttir á Landsspítala háskólasjúkrahús í Reykjavík. Almennt gekk sjúkraflugið á nýliðnu ári vel, segir Leifur Hallgrímsson framkvæmdastjóri Mýflugs sem sér um sjúkraflugið. Útköllin voru oft og tíðum krefjandi, veðurskilyrði erfið og þá komu upp eldgos í Grímsvötnum.
Við munum ásamt Slökkviliði Akureyrar og læknum Sjúkrahússins á Akureyri, standa vaktina áfram, segir hann. Alls voru á liðnu ári 18 sjúkraflug farin til útlanda, flest til Grænlands. Lengsta sjúkraflugið var frá Kulusuk í Grænlandi til Kaupmannahafnar. Flest voru útköllin í ágúst, 50 talsins. Leifur segir að á þeim tíma sem Mýflug hafi sinnt sjúkraflugi hafi þau flest orðið 496 og farið niður í um 400. Þetta er svolítið upp og ofan, en að jafnaði eru þau þau á bilinu 400 til 500 ár hvert, segir hann. Flestir eru sem fyrr segir fluttir til aðhlynningar á hátæknisjúkrahús í Reykjavík eða á bilinu 300 til 350 sjúklingar. Það er gríðarlega mikilvægt að Reykjavíkurflugvöllur sé staðsettur í námunda við eitt best búna sjúkahús landsins. Það kemur fyrir nokkuð oft á hverju ári að það er bara spurning um mínútur að sjúklingur nái að komast undir læknishendur, segir Leifur. Það að Reykjavíkurflugvöllur sé í Vatnsmýri í er lykillinn að góðu aðgengi landsbyggðarbúa að helsta sjúkrahúsi landsins.
Verði Reykjavíkurflugvöllur færður til, segir Leifur, að eigi jafnræði að ríkja meðal landsmanna verði að færa sjúkrahúsið líka. Kostirnir eru skýrir í mínum huga, ef byggt verður nýtt sjúkrahús á þeim stað þar sem það er nú en Reykjavíkurflugvöllur færður, eiga höfuðborgarbúar að greiða uppbygginguna við sjúkrahúsið, ekki íbúar landsbyggðarinnar sem hafa ekki greiðan aðgang að því, segir Leifur.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.