„Fljótlega fékk ég eitthvað að skaka í“
Helga Sveinbjörnsdóttir, Almar Eggertsson og Knútur Emil Jónasson eru teymið á bakvið Faglausn. Mynd/epe
Þegar Skarpur fór af stað með nýjan lið hér í sumarbyrjun sem heitir Atvinnulífið var hugsunin sú að kynna atvinnustarfsemi hér á svæðinu sem hefur farið undir radar almennings en einnig til að hygla því sem vel er gert. Tilgangurinn jafnvel að virka sem hvatning fyrir þá sem ráðist hafa í einkaframtak til að skapa atvinnutækifæri fyrir sjálfa sig og aðra og ekki síður fyrir þá einstaklinga sem ganga með slíkan draum í maganum.
Einn slíkur einstaklingur er Almar Eggertsson en hann var búsettur ásamt fjölskyldu sinni í Danmörku áður en hér á landi skall á efnahagshrun. Í Danmörku nam hann byggingafræði en hann er einnig menntaður húsasmiður og löggyldur hönnuður. Hann stofnaði fyrirtækið Faglausn árið 2006 sem sérhæfir sig í ráðgjöf og hönnun ásamt eiginkonu sinni Sigrúnu Birnu Árnadóttur. Blaðamaður Skarps heimsótti fyrirtækið á dögunum.
„Fyrirtækið er s.s fætt úti í Danmörku en svo kom ég heim árið 2009 og komst í tæri við Þorgeir Hlöðversson. Ég fékk ódýra skrifstofu og liðlegheit hjá honum til að byrja með. Hann hefur einmitt verið ótrúlega liðlegur við þá sem eru að byrja í einhverju og eru að koma sér upp aðstöðu,” útskýrir Almar og viðurkennir þegar blaðamaður innir hann eftir því hvort það hafi ekki verið fífldirfska að hefja slíkan rekstur á Íslandi í miðju bankahruni, að svo hafi verið. „Þetta var galskapur, það var þannig. Ég sat hérna einn við borðið og hugsaði „jæja, síminn er ekkert að hringja,”” segir Almar og skellir upp úr. Hann segist þó hafa komist í gegnum þetta með bjartsýnina að vopni. „Ég fór bara af stað og notaði þetta litla tengslanet sem ég hafði. Fljótlega fékk ég eitthvað að skaka í og innan skamms fulla vinnu fyrir sjálfan mig,” segir Almar.
Viðtalið má lesa í heild sinni í prentútgáfu Skarps.
- Skarpur, 12. júlí
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.