Flestir á ferðinni vegna einkaerinda
HA stóð fyrir umferðarkönnun í tengslum við umfangsmikla rannsókn á samfélagsáhrifum Héðinsfjarðarganga í lok október í haust. Könnunin er sambærileg annarri sem gerð var í sumar. Hún fór fram með þeim hætti að allir bílar sem leið áttu um gatnamótin við Ketilás í Fljótum og um veginn milli Dalvíkur og Ólafsfjarðar voru stöðvaðir og ökumenn þeirra beðnir um að svara fáeinum spurningum. Á sama hátt og könnuninni í sumar var ætlað að gefa mynd af umferðinni á dæmigerðum sumardögum, var könnuninni í október ætlað að endurspegla umferð að vetrarlagi.
Alls tóku um 1.050 bílstjórar þátt í könnuninni í lok október í samanburði við tæplega 2.700 bílstjóra í sumar og vetrarumferðin var því um 40% af umferðinni í sumar. Um 60% ökumannanna sem tóku þátt í könnuninni voru á stöðvaðir á leiðinni milli Dalvíkur og Ólafsfjarðar og umferðin þar var því heldur meiri en um vegamótin við Ketilás. Að sögn Kjartans eiga kannanirnar í sumar og vetur það sammerkt að stærstur hluti ferða telst vera einkaerindi, eða tæp 50% í sumar og rúm 60% í október. Í júlí voru tæp 30% umferðarinnar fólk á ferð í sumarleyfi en þessi hópur er eðli málsins samkvæmt ekki til staðar í könnuninni frá því í lok október. Þeir sem eru á ferð í atvinnutengdum erindagjörðum eru aftur á móti tæp 30% í október könnuninni í samanburði við rúm 10% í könnuninni í júlí.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.