FJÖLSKYLDAN PARKINSON OG ÞÚ
Nú þegar haustar og vetur er á næsta leiti er vetrarstarfið að hefjast hjá hinum ýmsu félagasamtökum. Þar er Parkinsonfélag Akureyrar og nágrennis engin undantekning.
Opið hús er nýmæli hjá félaginu en í vetur gefst félagsmönnum tækifæri til að hittast fyrsta fimmtudag í mánuði, bera saman bækur sínar, syngja, spila og spjalla.
Tilgangur Parkinsonfélags Akureyrar og nágrennis er tvíþættur:
a) Að sinna hagsmunum félagsmanna og vera málsvari þeirra, sem greindir eru með Parkinson á svæðinu.
b) Að sinna fræðslu og félagsstarfi fyrir þá, sem greindir eru með Parkinson og aðstandendur þeirra.
Fjölskyldan Parkinson og þú er yfirskrift haustfundar félagsins sem haldinn verður fimmtudaginn 29. september kl. 17:00 í Safnaðarheimili Glerárkirkju.
Gestir fundarins eru hjónin Sigríður Ó. Gunnlaugsdóttir og Magnús Þorkelsson en Magnús greindist með parkinson fyrir fjórtán árum. Sigríður og Magnús munu ræða reynslu sína af sambúð fjölskyldunnar við Parkinson og hvernig þau hafa nálgast verkefnið t.d. með því að halda fjölskyldu sinni og nánasta umhverfi upplýstu um stöðu mála.
Fjölskyldan Parkinson og þú er áríðandi umræðuefni og er fólk með Parkinson hvatt til að mæta á fundinn ásamt mökum, ástvinum, afkomendum og öðrum sem standa þeim nærri í baráttunni við sjúkdóminn.
Nýjast
-
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
Hefur myndað báta frá barnsaldri
Hafþór Hreiðarsson, ljósmyndari og nú myndlistamaður -
Akureyri - Þátttaka eykst stöðugt í velheppnuðu verkefni Virkra efri ára
„Við erum afskaplega ánægð með hvernig til hefur tekist, þátttaka hefur aukist jafnt og þétt og við heyrum ekki annað en notendur séu ánægðir með það sem í boði er,“ segir Héðinn Svarfdal Björnsson verkefnastjóri Virkra efri ára. Verkefnið hófst formlega í febrúar í fyrra en þá var byrjað á að bjóða ýmis konar tækifæri til hreyfingar fyrir þá íbúa bæjarins sem náð höfðu 60 ára aldri og voru þeir dreifðir um bæinn. -
Húsavik - Gagnrýna ákvörðun um kaup á körfubíl
Byggðarráð Norðurþings samþykkti á 457 fundi sínum fyrri skemmstu að körfubíl fyrir Slökkvilið Norðurþings með atkvæðum Hjálmars Boga B-lista og Áka Haukssonar M-lista. Hafrún Olgeirsdóttir D-lista greiddi atkvæði á móti. Áætlaður kostnaður við kaupin er 14,9 m.kr með vsk. á tækinu heim komið miðað við gengi dagsins. -
KEA eykur við hlut sinn í Norlandair
KEA hefur keypt rúmlega 21% hlutafjár í Norlandair og verður eftir viðskiptin stærsti hluthafi félagsins með 43% eignarhlut. Samhliða þessum viðskiptum er Air Greenland einnig að auka við hlut sinn í félaginu og verður næst stærsti hluthafi þess. Í þessum viðskiptum voru Friðrik Adolfsson, Kaldbakur og Mýflug að selja eignarhluti sína en Friðrik lét af störfum sem framkvæmdastjóri Norlandair vegna aldurs um nýliðin áramót og við starfi hans hefur tekið Arnar Friðriksson. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík. -
Lokaorðið - Sjá gegnum fingur sér
Það var komið að bóklega bílprófinu hjá unglingnum. Þá fékk hann fína bílprófssögu hjá afa Flosa. Afi tók bílprófið nefnilega þegar Willysinn kom, líklega 1947. -
Í ljósi fréttar um vorboðann ljúfa
Vefnum barst tölvupóstur með myndum og texta frá konu sem átti leið um miðbæ Akureyrar i morgun. Eins og sjá má var henni og liklega fleirum sem þar áttu leið um misboðið. -
Þingeyskir framsóknarmenn senda Vegagerðinni tóninn
Vilja að flogið verði til Húsavíkur í sex mánuði og Dettifossvegur fái heilsársþjónustu
Athugasemdir