Fimmtíu ár frá upphafi Norðurflugs á Akureyri
Sunnudaginn 1. nóvember nk. verða liðin 50 ár síðan flugvélin TF-JMH kom til Íslands og lenti á Akureyrarflugvelli eftir flug frá Bandaríkjunum um Kanada og Grænland. Síðasta áfangann, frá Syðri-Straumfirði á Grænlandi til Akureyrar, var flogið í blíðskaparveðri og tók flugferðin um 6 klukkutíma og 25 mínútur.
Flugmenn voru Tryggvi Helgason, eigandi vélarinnar og stofnandi Norðurflugs og Aðalbjörn Kristbjarnarson, flugstjóri hjá Flugfélagi Íslands. Flugvél þessi, sem var af gerðinni Piper Apache, var búin öllum tækjum til blindflugs og var fyrsta tveggja hreyfla sjúkraflugvél landsins. Nokkru eftir komu vélarinnar til landsins fór Tryggvi frá Akureyri til Ólafsfjarðar í fyrsta sjúkraflugið á þessari nýju flugvél og lenti á Ólafsfjarðarflugvelli. Sá flugvöllur hefur nú verið lagður af og er reyndar ekki lengur til. Næstu tvo áratugina fór TF-JMH í á annað þúsund sjúkraflug og var lent á allflestum flugvöllum landsins. Reyndist þessi flugvél í alla staði mjög vel, að sögn Tryggva. Hún er enn til og er í ágætu flughæfu standi.
Í fyrrasumar var þess minnst á Flugsafni Íslands á Akureyri að 44 ár voru liðin frá því að tveimur flugvélum af gerðinni Beechcraft var flogið frá Bandaríkjunum til Akureyrar, en Norðurflug hafði keypt vélarnar vestra og notaði síðan um árabil í flugrekstri sínum. Flugsafninu var við athöfnina afhent módel af flugvélum sem notaðar voru í rekstri Norðurflugs. Tryggvi komst í kynni við foringja í bandaríska flughernum, Lorren L. Perdue og hafði hann milligöngu um að útvega vélarnar í heimalandi sínu. Bauðst hann til að fljúga vélinni og útvegaði að auki félaga sína úr hernum til að ferja hina vélina til nýrra heimkynna. Um borð í vélunum voru 6 manns, Lorren, David sonur hans, þá 15 ára, Björn Sveinsson flugvirki og þrír félagar Lorerens úr hernum.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.