Ferðum og farþegum fækkaði á milli ára
Eikarbáturinn Húni II hefur fengið einkennisstafina EA 740. Mynd: Þorgeir Baldursson.
Síðasta ár var viðburðarríkt hjá Hollvinum Húna II en félagið sér um rekstur eikarbátsins Húna II, sem nú hefur fengið einkennisstafina EA 740. Aðalfundur félagsins var haldinn á dögunum og þar kom m.a. fram að fjármögnun og leiðir til tekjuöflunar eru eitt aðalumræðuefnið á stjórnarfundum, auk þess sem talsverður tími fer í málið á milli funda. Í skýrslu stjórnar fyrir síðasta kemur þó fram að reksturinn hafi gengið vel. Einnig kemur fram að breytingar á afgreiðslu styrkbeiðna til fjárlaganefndar hafa verulega óvissu í för með sér fyrir Húna II: Erindinu hafi verið vísað heim í hérað. Ekki hafi náðst samningar milli menntamálaráðuneytisins og Eyþings um afgreiðslu þessara styrkja en vitað sé að framlög ríkisins eru verulega skert, eða um meira en 50%.
Báturinn gegnir lykilhlutverki í að halda tengslum milli hollvinanna en þar má helst nefna kaffifundi en þeir hófust á sl. ári um miðjan október en voru að sjálfsögðu líka um vorið. Svipaður fjöldi mætti í hvert skipti eða milli 30 og 50 manns. Þá voru tvær skötuveislur í desember sl. fyrir hollvini og velunnara, segir í skýrslu stjórnar.
Húni fór í 66 ferðir í fyrra en ferðirnar voru 79 árið 2010. Farþegar voru 2028 og fækkaði einnig frá árinu áður. Á það er þó bent að júlí hafi að mestu dottið út vegna siglingar til Færeyja, sem var stóra siglingin á síðasta ári. Eftir góðan tíma í Færeyjum var haldið til Húsavíkur, þar sem Húnamenn tóku þátt í dagskránni Sail Husavik 2011.
Siglingar frá Torfunesbryggju voru með svipuðum hætti og fyrri ár. Sú nýjung var þó í fyrra, að þrjár siglingar voru tileinkaðar Haftónaverkefninu en hugmyndin að baki þeim siglingum var að tengja saman söng, sögur og góðgæti úr Eyjafirði. Verkefnið var unnið í samstarfi við Snorra Guðvarðarson og hans vini og með styrk frá Eyþingi. Markmið verkefnisins var að þróa menningartengda ferðaþjónustu um borð í Húna II með því að fá til samstarfs listafólk og tengja saman ýmsa þætti strandmenningar svo sem tónlist, ljóð/vísur og mat úr héraði.
Áhöfnin mikilvæg
Sögusiglingar voru með svipuðum hætti og áður. Frekar dræm þátttaka var í margar ferðir og reynt var að auka fjöldann með því að lækka verð úr kr. 3.000 í kr. 1.000 og heldur glæddust þessar ferðir í ágúst. Hollvinir Húna hafa tekið sjómannadaginn yfir en spurning er um framhaldið. Farið var sögusiglingu norður frá Grenivík, Húni II tók þátt í Akureyrarvöku og verkefninu frá Öngli í maga, fyrir nemendur í 6. bekk. Þá var siglt í þrjá daga með Rússa á stjóstöng og farið með gesti frá Discoery, í siglingu, hvalaskoðun og sjóstöng.
Mikilvægur þáttur í starfi Húna II eru þessar siglingar og þar hefur áhöfnin lykilhlutverki að gegna. Við erum þeirrar gæfu aðnjótandi að hafa aðgang að úrvals mannskap í brú, vél og á dekki. Nokkrir sóttu grunnnámskeið og námskeið um Líf- og léttabáta og eldvarnir og fjarskipti, segir ennfremur í skýrslu stjórnar.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.