Ferðaþjónusta allt árið
Halldóra K. Hauksdóttir
Akureyri getur orðið miðstöð ferðaþjónustu á landsbyggðinni ef vilji og áræði eru fyrir hendi. Ferðaþjónusta er í dag sú atvinnugrein sem aflar þjóðfélaginu mestra gjaldeyristekna og hefur þar með stungið sjávarútveg og stóriðju af.
Kláfferja
Á aðalfundi KEA 30. apríl sl. var lögð fram tillaga um byggingu kláfferju upp á Hlíðarfjall. Tillagan var þess eðlis að í raun var hvorki hægt að samþykkja hana né fella vegna orðalags. Sveinn Jónsson í Kálfsskinni hefur verið ötull baráttumaður fyrir þessari framkvæmd í nærri tvo áratugi við fremur dræmar undirtektir fjárfesta, sem gerðu á árunum fyrir hrun óraunhæfar arðsemiskröfur eins og komið hefur á daginn. Tillögunni var vísað til stjórnar KEA en margir óttast að þar muni hún sofna.
Hagkvæmniskönnun
Ég tel því að Akureyrarstofa eigi að beita sér fyrir því í samvinnu við Atvinnuþróunarfélag Eyjafjarðar og KEA, að gerð verði kostnaðar- og hagkvæmniskönnun á uppbyggingu og rekstri kláfferju eða leiti annarra leiða t.d. með lyftu til þess að komast upp á Hlíðarfjall og byggja þar þjónustuhús. Margt bendir til þess að bygging kláfferju upp á Hlíðarfjall gæti verið álitlegur fjárfestingarkostur fyrir KEA og stutt þau félagslegu markmið sem félaginu er ætlað að sinna sem byggðafestufélag.
Hlíðarfjall allt árið
Akureyri hefur alla burði til að vera útivistarparadís jafnt á vetri sem á sumri. Hlíðarfjall er eitt besta skíðasvæði landsins en það þarf að halda áfram uppbyggingu og viðhaldi á skíðasvæðinu ef það á að vera áfram í fremstu röð. Markmiðið með byggingu kláfs væri ekki aðeins að gera Hlíðarfjall að einu mest spennandi skíðasvæði í norðanverðri Evrópu, heldur að virkja Hlíðarfjall allt árið um kring. Með því að komast upp á topp Hlíðarfjalls á auðveldari hátt en með því að ganga, opnast möguleiki á skíðaiðkun á Vindheimajökli yfir sumarið.
Nýsköpun á sviði ferðamála
Rétt er að nefna lofsvert framtak ferðaskrifstofunnar Saga travel með nýsköpun á sviði ferðamála hér á svæðinu, þar sem boðið er upp á annars vegar norðurljósaferðir og hins vegar miðnætursólarferðir. Sömuleiðis er rétt að nefna þá aðila sem bjóða upp á siglingar um Eyjafjörð m.a. í tengslum við hvalaskoðun. Á þennan hátt nýtum við okkar svæðisbundnu auðlindir.
Fjölbreytt afþreying
Á sumrin koma ríflega 70.000 ferðamenn til Akureyrar með skemmtiferðaskipum. Þeim þurfa að standa til boða fjölbreyttir afþreyingarmöguleikar á svæðinu. Þar myndi kláfur upp á topp Hlíðarfjalls verða eftirsóttur því flestir ferðamenn vilja vafalítið njóta útsýnis. Samhliða því gætu þeir varið meiri tíma á Akureyri til kaupa á ýmiss konar vörum og þjónustu sem er ávinningur fyri atvinnulíf bæjarins. Því þarf að taka óbein áhrif með í þeirri hagkvæmniskönnun sem yrði unnin.
Gerum Akureyri að eftirsóttum áfangastað en ekki viðkomustað, gerum góðan bæ betri.
Haldóra K. Hauksdóttir
Höfundur skipar fimmta sæti á lista Framsóknarflokksins á Akureyri til sveitastjórnarkosninga.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.