Fækkun hjúkrunarrýma á Akur- eyri þegar farin að hafa áhrif
Margrét segir að stefna yfirvalda hafi reyndar verið um langan tíma að gera fólki kleift að dvelja heima eins lengi og það óskar og bæta frekar við þjónustuna í heimahús frekar en að auka stofnanarými. "Við vorum búin að ná nokkuð góðu jafnvægi í þessari þjónustu hér með öflugri þjónustu heim og fjölda hjúkrunarrýma sem náðu nokkurn veginn að sinna þörfinni fyrir þá sem ekki gátu lengur búið heima. Á seinni hluta síðasta árs fór þetta að þyngjast og verða erfiðara og nú bíða um 25 manns eftir hjúkrunarrými," segir Margrét.
Til viðbótar við fækkun rýma, hefur samdráttur á sjúkrahúsum haft þau áhrif að fólk dvelur þar í styttri tíma en áður og innlagnir eru trúlega færri, að sögn Margrétar. "Allt þetta kemur skýrt fram hjá heimahjúkrun og heimaþjónustu. Það segir sig sjálft að þegar þeim fjölgar sem búa heima og þurfa mikla aðstoð og hjúkrun, sem hjúkrunarsjúklingar þurfa, þá eykst álagið verulega í þeirri þjónustu."
Til þess að mæta fækkun um sex hjúkrunarrými, fékkst aukning í fjárlögum fyrir heimahjúkrun á HAK um 7,8 milljónir króna á þessu ári. Margrét segir að það sé um það bil kostnaðurinn við rekstur á einu hjúkrunarrými. "Sú aukning var fljót að fara því ásókn eftir þjónustu er mun meiri en viðbótin annar. Starfsfólk heimahjúkrunar og heimaþjónustu er því í stöðugu verkefni við að púsla saman þjónustunni. Við sjáum fram á erfitt og annasamt ár, því það er flókið að forgangsraða þegar ekki er hægt að veita öllum þá þjónustu sem þeir þurfa á að halda. Það góða í stöðunni er að við erum vön mikilli samvinnu og skiptum verkefnum á milli heilsugæslu og félagsþjónustu eins og þarf og allir gera sitt ítrasta til að geta þjónustað fólk eins og hægt er," segir Margrét. Hún segir að þörfin fyrir aukna heimaþjónustu komi frá sveitarfélaginu, þannig að sparnaður ríkisins í fækkun hjúkrunarrýma, verði að hluta til þess að auka útgjöld sveitarfélagsins.
Fyrir utan aukið álag í heimahjúkrun og heimaþjónustu þá hafa verkefni heimilislækna einnig vaxið. Um leið og það myndast flöskuháls í þjónustunni, komi þörfin fram annars staðar, að sögn Margrétar. "Þannig hefur niðurskurður á sjúkrahúsum og hjúkrunarheimilum þau áhrif að fleiri leita á heilsugæsluna og fleiri þurfa meiri og flóknari þjónustu frá heimilislæknum. Hér var skorið niður árið 2009 og 2010 um tæplega 12%. Þó svo að heilsugæslunni hafi verið hlíft við frekari niðurskurði árið 2011 og stefnan verið sú að standa vörð um óbreytta þjónustu þá er staðan sú að við erum með færra starfsfólk að glíma við fleiri verkefni. Þetta er því frekar þungt allt saman en við gerum okkar besta í erfiðri stöðu," segir Margrét.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.