Eru ekki allir sammála?
Ég ætla að hafa þennan pistil auðveldan. Ég ætla að skrifa um eitthvað sem allir eru sammála um. Það er svo gaman þegar allir eru sammála, þá stefna allir að sama marki. Ef allir eru svo sammála um hvernig á að ná þessu setta marki þá sammælast menn líka fljótt um nauðsynlegar aðgerðir eða aðferðir sem skila þeim þangað.
Þegar tveir félagar eru sammála um að fara að sjá nýja kvikmynd saman þá ákveða þeir dag, sem hentar báðum, mæla sér mót, hittast á staðnum og njóta svo myndarinnar. Þegar íþróttafélög og útgerðir í bæjar- eða sveitarfélögum eru sammála um að kominn sé tími á að lyfta iðkuninni á næsta stig þá eru settir peningar í verkefnið. Þeim er svo veitt í aðstöðu-, umgjarðar-, og leikmannamál og á Leifturhraða klifra þau upp deildirnar þangað til að viðunandi árangur þykir hafa náðst.
Þegar heil þjóð er nægilega upplýst til að vera sammála um nauðsynlegar aðgerðir til að takast á við heimfaraldur þá eru allir reiðubúnir að taka þátt í aðgerðum, sinna sínu hlutverki og njóta svo ávinningsins af erfiðinu seinna - jafnvel strax í sumar. Þetta er allt svo einfalt þegar allir eru sammála. En hvað gerist þegar heil þjóð er sammála um að hér þurfi að starfrækja fyrirmyndar heilbrigðiskerfi og að til þess að það náist þá þurfi að leggja meiri pening í það? Í fyrstu virðist allt ganga eins og ætla mætti í máli þar sem almenn sátt ríkir um þörf og úrlausnir. Fjársvelti er viðurkennt, loforð eru sett fram og áætlanir til samræmis - en svo strandar á einhverju. Það virðist vera lagt upp með að ganga ekki frá samningum við lykilstéttir fyrr en eins seint í ferlinu og mögulegt er - og stundum enn seinna.
Heitri kostnaðarþátttöku kartöflunni er kastað á milli mismunandi sjúklingahópa, þegar ákall kemur um að létt sé á einstaka hópum, í stað þess að hún sé skræld, söltuð og stöppuð saman við aðalréttin og viðurkennd sem hluti af því sem þarf að laga í heildarmyndinni. Framkvæmdir til að tryggja að heilbrigðisstarfsemi fari ekki fram í of litlu eða jafnvel heilsuspillandi húsnæði fást treglega samþykktar og ganga hægt - jafnvel þó að innspýtingin við slíkar framkvæmdir gæti haft mótvægisverkandi áhrif þegar atvinnulíf hefur beðið hnekki vegna (ó)viðráðanlegra aðstæðna. Þegar allir stefna að sama marki og eru sammála um nauðsynlegar aðgerðir þá er furðulegt að slíkar hindranir dúkki upp. Raddir sem áður voru sammála breytast í efasemdaraddir og fara að nefna aðrar aðgerðir, jafnvel ótengdar heilbrigðiskerfinu, sem hugsanlega gætu verið betri ráðstafanir á opinberum fjármunum. Þeir sem áður voru sammála standa nú fyrir Sandblæstri og málmhúðun í augu þeirra sem enn hafa ekki misst sjónar af hinu upphaflega marki sem allir voru sammála um.
Það hefur sýnt sig að það er furðulega margt sem hægt er að hrinda í framkvæmd þrátt fyrir að allir séu ekki sammála, þurfum við ekki eitthvað að fara að skoða af hverju það sem allir eru sammála um gengur hvorki né rekur? Af hverju ættu vinirnir tveir sem að höfðu þegar sammælst um að fara saman á mynd hér í upphafi allt í einu, þegar á hólminn er komið, að hverfa frá þeirri hugmynd á bílastæðinu fyrir utan kvikmyndahúsið og halda hvor um sig aftur heim til sín, sárir, svekktir en allra helst undrandi á því að þeir hafi ekki náð að sjá myndina sem þeir höfðu hlakkað svo til? Látum ekki stoppa okkur á bílaplaninu fyrir utan bíóið. Förum að gera það sem við höfum öll verið sammála um svo lengi. Eftir það getum við svo tekið stöðuna og farið að rífast um staðsetningar heilbrigðisaðstöðu, flugvalla eða fiskistofa og fleiri atriði sem menn eru - eðlilega - ekki sammála um. Eru ekki allir sammála um það?
Ég ætla að skora á Arnar Árnason, iðnaðartæknifræðing og bónda á Hranastöðum, að skrifa næsta pistil.
-Freyr Brynjarsson
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir