Erfitt rekstrarumhverfi hjá jarðvinnuverktökum á Akureyri
Guðmundur Gunnarsson framkvæmdastjóri GV grafa segir að fyrirtæki sitt sé með tvö smærri verk um þessar mundir, sem unnið verði við á næstu vikum og mánuðum en eftir það sé ekkert framundan. Bærinn sé að draga úr framkvæmdum og þá hafi Vegagerðin þegar samið um þau verkefni sem unnin verða á árinu. "Þetta lítur illa út og sama tíma hækkar allur rekstrarkostnaður, lánin hafa hækkað mikið, olían hækkar, skattar hækka og verkefnin dragast saman. Á síðasta ári dróst veltan hjá okkur saman um 50% miðað við 2008 og það bendir ekkert til annars en samdrátturinn verði enn meiri á þessu ári," segir Guðmundur.
Í fyrra störfuðu um 30 manns hjá GV gröfum þegar mest var en vegna slæmrar verkefnastöðu þurfti að ráðast í uppsagnir og nú eru 13-14 manns í vinnu hjá fyrirtækinu. Guðmundur segir það heldur ekki vænlegt í stöðunni að selja sér frá tæki og tól. Markaðir hér heima og erlendis séu líka yfirfullir og því fáist ekki raunvirði fyrir þau. "Það er ekki hægt að selja frá sér tæki ef reyna á að halda þessum rekstri áfram. Fyrirtækin þurfa verkefni ef þau eiga að lifa og auðvitað vonar maður að ástandið skáni sem fyrst," sagði Guðmundur.
Nafni hans Hjálmarsson, framkvæmdastjóri G. Hjálmarssonar, segir að fyrir utan einhvern snjómokstur, sé lítið í pípunum og hálfgert svartnætti og óvissa framundan. "Staðan er og hefur verið erfið og við höfum þurft að bregðast við því. Þegar mest var voru hér 25 manns í vinnu, við erum 11 í dag og það gæti komið til frekari uppsagna."
Guðmundur segir að það sem hafi bjargað sér sé lítil skuldsetning. "Þetta er enginn smá tækjakostur sem maður er með en það segir ýmislegt um stöðuna að nú fyrir áramótin tók ég númerin af átta malarflutningabílum af þrettán. Það dugar mér að hafa fimm bíla á skrá."
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.