Erfiðleikar í efnahagslífinu að koma fram af fullum þunga
Félagsmálaráð hefur lýst yfir áhyggjum af stöðu mála. Fram kemur í bókun að ráðið telur mikilvægt að umboðsmaður skuldara komi að ráðningu fjárhagsráðgjafa á Akureyri sem sinni Norðlendingum. Guðrún Sigurðardóttir framkvæmdastjóri fjölskyldudeildar segir að fyrst eftir hrun, eða á milli áranna 2008 og 2009 hafi útgjaldaaukning vegna fjárhagsaðstoðar ekki orðið hjá Akureyrarbæ, líkt og gerðist víða annars staðar. En mikil hækkun hafi hins vegar orðið á milli áranna 2009 og 2010 eða sem nemur 27%, „og enn virðast útgjöldin vera á uppleið," segir hún.
Guðrún segir ýmsar ástæður fyrir því að þeir sem þiggja fjárhagsaðstoð eigi erfiðara en áður með að láta enda ná saman. Þar megi nefna aukin útgjöld fyrir heilbrigðisþjónustu, s.s. tannlæknakostnað og breytingar á niðurgreiðslum á lyfjum, en Guðrún bendir á að nokkur aukning hafi orðið á aðstoð til foreldra með börn á framfæri. Hún segir að þó útgjöld hafi hækkað, hafi þeim sem þiggja aðstoð ekki fjölgað í sama hlutfallli. Álíka margir fái aðstoð og áður, en málin séu þyngri og æ fleiri þurfi aðstoð yfir lengri tíma. Að hluta til sé um að ræða fólk sem er búið með atvinnuleysisbótarétt sinn og hafi ekki í önnur hús að vernda varðandi framfærslu. Sumir skulda mikið og auk þess bitnar vaxandi dýrtíð illa á fólki sem hefur lágar tekjur Hún nefnir að mikilvægt sé að fá þjónustu á vegum umboðsmanns skuldara norðan heiða og hafi bæjaryfirvöld unnið að framgangi þess máls. „Við teljum að það geti bætt þjónustuna við skuldara og að einhverju leyti létt af álagi hér," segir Guðrún. Engin svör hafa borist við formlegu erindi Akureyrarbæjar um málið og hefur almannaheillanefnd lýst yfir áhyggjum af stöðunni enda brýn þörf fyrir þjónustuna í bænum.
Á fundi félagsmálaráðs á dögunum, þar sem þessi mál voru rædd, var Guðrúnu falið að senda erindi til Sambands íslenskra sveitarfélaga þess efnis að kannað verði hver áhrif niðurskurður ríkisins hefði á velferðaþjónustu sveitarfélaga.
Nýjast
-
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann.