Enn vantar RNP aðflug við Akureyrarflugvöll, úr suðri
RNP flugleiðsaga Mynd Stefán Trausti Árnason
Eins og fram hefur komið er aðflug úr suðri að Akureyrarflugvelli verulega ábótavant, einkum fyrir farþegaþotur s.s. easyJet, Icelandair, Play. Heppni með veður ræður hreinlega of miklu um hvort ljúka takist flugi við erfið veðurskilyrði í norðanátt.
Fyrir skömmu mátti engu muna að vél frá easyJet gæti ekki lent á flugvellinum því það gerði él hér um stund, en eftir nokkuð hringsól gátu flugmenn skellt sér niður til lendingar. Slikt er kostnaðarsamt, eldsneytiseyðsla er mikil en ef hér væri búið að klára það sem upp á vantar með RNP aðflugið hefði verið hægðarleikur að lenda á flugvellinum. Akureyrarflugvöllur er varaflugvöllur fyrir millilandaflug á landinu og því mætti áætla að mikilvægt væri að klára það sem út af borðinu stendur. Tímamörk Isavia til að ljúka útgáfu RNP flugferils við Akureyrarflugvöll voru 25. jan 2024, samkvæmt gildandi reglugerð.
En hvað er það sem vantar til þess að lagfæra stöðuna, hvað er þetta RNP sem rætt er um? Vefurinn hafði samband við Víði Gíslason, en hann þekkir afar vel til þessara mála og bað hann um að útskýra um hvað málið snýst?
Víðir Gíslason
,,Eins og fram hefur komið er skylda Isavia að hanna RNP aðflugsferla við aðstæður líkt og við Akureyrarflugvöll og það hefur legið fyrir í nokkur misseri. Þetta kemur ekki úr lausu lofti. Alþjóðaflugmálastofnunin hefur haft þessa tækni á stefnuskrá frá árinu 2009. Í kjölfarið hafa bandarísku og evrópsku flugmálastjórnirnar sett umgjörð sem býður nýjar og öruggari lausnir við flugleiðsögu Grunnurinn er þróuð útgáfa af gervihnattaleiðsögu.“
Viðir bætir við, ,,Í maí 2020 fullgilti samgönguráðherra bindandi reglugerð um flugleiðsögu, sem Isavia ber að fara eftir. Þar kemur fram að innleiðingu RNP aðfluga, við aðstæður líkt og í Eyjafirði átti að ljúka ekki seinna en 25. janúar 2024. Því miður náðist það ekki. Það er bagalegt fyrir hlutverk flugvallarins sem varaflugvallar. Einnig getur það hamlað millilandaflugi easyJet, eins og dæmi er um. Í slíkum rekstri verður ekki til lengdar stólað á heppni með veður, ekki síst ef úreltir flugferlar eru í boði. Núverandi aðflug var mikil framför árið 1982, en er óboðlegt í dag. Isavia greindi valkosti fyrir bætt aðflug úr suðri í apríl 2022. Tvær útgáfur af RNP flugferlum uppfylla þarfir, en gera mismunandi kröfur um búnað flugvéla og þjálfun áhafna. Í dag er ljóst að báða ferlana þarf til að veita viðunandi aðgengi fyrir þá flugrekendur og mismunandi flugvélategundir sem nýta völlinn. Samkvæmt greiningunni er kostnaður innan við 25 milljónir.“
Hver verður ávinningurinn Víðir? ,,Í dag liggja aðflugslágmörk í 1250 fetum við Hrafnagil, í ca 8 km fjarlægð frá brautarenda. Nýjir RNP ferlar gætu fært lágmörkin í allt að 400 - 500 fet, ca 2 km frá brautarenda, sem eykur verulega líkur á að lending heppnist í lélegu skyggni. Niðurstaðan er verulega bætt aðgengi úr suðri og aukið öryggi, sem næst með þrívíðum flugferlum sem ekki eru til staðar í dag.“
Nýjast
-
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum. -
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna. -
Félagslegt húsnæði í Grímsey Ekkert til fyrirstöðu að selja
Velferðarráð Akureyrarbæjar sér ekkert því til fyrirstöðu að húsnæði í eigu bæjarins verði selt. -
25 ár frá sameiningu Einingar og Iðju
Í dag, 15. maí, eru liðin 25 ár síðan formlega var gengið frá samruna Verkalýðsfélagsins Einingar og Iðju, félags verksmiðjufólks á Akureyri. Þótt þetta sameinaða félag eigi sér þannig séð ekki langa sögu stendur það á gömlum merg því félögin eiga sér hvort um sig langa og merka sögu í baráttu verkafólks fyrir réttindum sínum. Sögu Iðju má rekja allt aftur til ársins 1936 og er stofndagur félagsins talinn 29. mars það ár. Verkalýðsfélagið Eining varð til 10. febrúar 1963 með sameiningu Verkakvennafélagsins Einingar og Verkamannafélags Akureyrarkaupstaðar. Rætur Einingar ná þó mun lengra aftur og má segja að fyrsta fræinu hafi verið sáð árið 1894 þegar Verkamannafélag Akureyrarkaupstaðar, hið eldra, var stofnað. -
Buðu upp á bakkelsi frá Suður-Ameríku
Andressa Andrade E. Andrade, Celimar Yerlin Gamboa Maturet, Feiruz Nasser Morabito, Haysmar Ledosvkaya Rangel Blanco og Fiora Alessa Pacini Barragán eru í hópi nemenda af erlendum uppruna sem hafa stundað nám í VMA í vetur, m.a. lagt stund á nám í íslensku sem öðru máli. -
Knattsp.deild KA dæmd til að greiða fyrrverandi þjálfara sínum tæpar ellefu milljónir
Knattspyrnudeild KA var í dag dæmd í Héraðsdómi Norðurlands eystra til að greiða fyrrum þjálfara sínum 8,8 milljónir króna auk dráttarvaxta frá 5 nóvember 2023 vegna ágreinings aðila um túlkun á bónusgreiðslum til handa þjálfarans. KA er einning gert að greiða málskostnað þjálfarans fyrrverandi. Aðspurður sagði Hjörvar Maronsson formaður knd KA að verið væri að fara yfir dóminn og vildi að öðru leyti ekki tjá sig um næstu skref.
Athugasemdir