Eldur getur skapað hættu fyrir gesti
mth@vikubladid.is
-
Vilja stofna vinnuhópa um um brunavarnir á útivistarsvæðum
-
Hafa áhyggjur af mikilli umferð um Kjarnaveg
„Í Kjarnaskógi og í Nausta- og Hamraborgun getur verið hætta á gróðureldum sem skapað getur hættu fyrir gesti svæðanna og einnig gesta á tjaldsvæðinu að Hömrum,“ segir í erindi sem forsvarsmenn Hamra, útilífsmiðstöð skáta á Akureyri hefur sent bæjaryfirvöldum.
Farið er fram á að stofnaður verði vinnuhópur um brunavarnir og flóttaleiðir gesta af útilífsvæðunum í Kjarnaskógi, að Hömrum sem og í Nausta- og Harmrborgun. Lagt er til að hópinn skipi fulltrúar frá Akureyrarbæ, Skógræktarfélagi Eyfirðinga og Útilífsmiðstöð skáta að Hömrum. Hópnum er ætlað að meta hættu vegna elds á svæðunum og gera áætlun og tillögur um aðgerðir sem miða ða auknu öryggi gesta svæðanna.
Fram kemur í greinargerð með tillögunnni að hætta geti einnig skapast vegna elds í ferðavögnum á tjaldsvæðunum sem bæði snýr að gestum á svæðinu og eins gæti eldur mögulega borist í skógræktarsvæðin.
Vara við slysahættu
„Þarna getur skapast veruleg slysahætta,“ segir í erindi frá aðalfundi Hamra, útilífsmiðstöð skáta á Akureyri en fundurinn beindi því til bæjaryfirvalda að gerður verði göngu- og hjólastígur meðfram Kjarnavegi að Hömrum og Kjarnaskógi.
Fram kemur í erindinu að gríðarlega umferð sé um Kjarnaveg allt árið um kring. Yfir sumarmánuðina noti gestir tjaldsvæðisins veginn mikið og gjarnan séu með í för stórir ferðavagnar. Auk þess er mikil umferð um veginn vegna þeirra sem heimsækja Kjarnaskóg og eða Hamra til að njóta þessara útivistarsvæða. „Mjög mikil og vaxandi umferð gangandi og hjólandi vegfarenda, þar á meðal skólabarna í stórum hópum er einnig um þennan mjóa veg sem nauðsynlega þarfnast lýsingar.“
Bæjarráð vísaði erindinu til umhverfis- og mannvirkjasviðs Akureyrarbæjar.
Nýjast
-
Hængsmenn afhentu bíl og héldu Hængsmót
Lionsklúbburinn Hængur á Akureyri hélt um liðna helgi árlegt Hængsmót fyrir fatlaða í 41. Skipti. Mótið fór fram í Íþróttahöllinni og í ár var keppt í boccia en mótið var auk þess Íslandsmót í greininni. -
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum.
Athugasemdir