Ekki leyft að setja auglýsingar á nýja gólfið í Íþróttahöllinni
Þetta kom fram á fundi Akureyri Handboltafélags í vikunni um málefni félagsins. Atli Þór Ragnarsson, formaður AH sagði í samtali við Vikudag að vilji félagsins standi til þess að leika heimaleiki sína í Íþróttahöllinni en það verði ekki hægt, fái liðið ekki að setja auglýsingar á gólfið. „Við viljum spila í Höllinni á nýju gólfi við bestu aðstæður en með því að banna okkur að setja auglýsingar á gólfið er Akureyrarbær að gera okkur ókleift að vera með heimaleikina í húsinu. Við verðum af mörgum milljónum króna í auglýsingatekjur ef við seljum ekki auglýsingar á gólfið og því getum við ekki annað en spilað heimaleiki okkar í KA-heimilinu eins og staðan er nú." Hann sagði að forsvarsmenn AH hafi óskað eftir fundi við bæjarstjóra um málið og vonandi verði málið leyst farsællega hið fyrsta.
Guðríður Friðriksdóttir, framkvæmdastjóri Fasteigna Akureyrarbæjar sagði að á fundi nýverið hafi verið ákveðið að leyfa ekki ekki auglýsingar á gólfinu, meðal annars til verndar íþróttamönnum. „Hálkustuðulinn getur verið annar þar sem eru settar niður auglýsingar og er það ein af forsendum þess að þær eru ekki leyfðar. Menn eru líka fyrst og fremst að hugsa um íþróttirnar, þarna verða margar íþróttir stundaðar og því eru margar merkingar á gólfinu. Það er mat manna að það verði of mikið að leyfa auglýsingar ofan í allar þessar merkingar. Liðin verða bara að setja auglýsingarnar á skilti til hliðar við völlinn, þar er nóg pláss fyrir þær," sagði Guðríður.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."