,,Eitt af mínum verkfærum er ljóðagerð"
Katrín Ösp Jónsdóttir, hjúkrunarfræðingur og verkefnisstjóri Krabbameinsfélags Akureyrar og nágrennis, samdi nýverið ljóð um stöðuna sem upp er kominn í samfélaginu vegna kórónuveirunnar.
„Ég sem oft ljóð um það hvernig mér líður eða við hin ýmsu tækifæri. Stundum koma ljóðin til mín meðan önnur taka lengri tíma í vinnslu. Þetta ljóð vaknaði ég með í kollinum og var varla vöknuð þegar ég var komin með tölvuna í fangið og byrjuð að skrifa. Það var eins og þetta væru skilaboð sem yrðu að heyrast svo ég ákvað að deila því á facebook síðu minni. Í kjölfarið fékk ég áskorun um að byrta ljóðið í bæjarblaðinu okkar Vikudegi,“ segir Katrín Ösp og bætir við:
„Við stöndum öll í þessu saman, tökum einn dag í einu og nýtum til þess þau ,,verkfæri“ sem við eigum í bakpokanum okkar. Eitt af mínum verkfærum er ljóðagerð. Munum að það þetta tímabil tekur enda.“
Ljóðið má lesa hér að neðan.
Ljóð í huga
Skref fyrir skref, einn fót fram fyrir hinn,
framtíð þjóðar óviss og óttinn læðist inn.
Við berum höfuð hátt en förum okkur hægt,
í hjörtum er von um að veiran slái vægt.
Sameinuð erum sterkari og við stöndum bak í bak,
tilbúin að hjálpast að og bera þetta þak.
Traustar raddir róa og segja allt sem þarf,
þjóðin hefur fengið svo ótal margt í arf.
Sannarlega skrítnir tímar í okkar samfélagi,
áhrif veirunnar varir á allra okkar hagi.
En við getum ekki breytt því hver staðan er í dag,
við getum aðeins beitt okkar hugarfari í hag.
Eitt af því sem við munum læra,
í neyð hvað er nauðsynlegt að næra.
Huga að hvert öðru og sýna meiri ást,
huga vel að þeim sem kunna að þjást.
Með tónlist í hjarta og ljóð í huga,
við látum okkur minna duga.
Orku frá náttúrunni við fáum í göngu,
sköpum eitthvað nýtt á göngunni löngu.
Þó við getum ekki boðið gestum í hús,
rétt fram hönd né gefið knús.
Orð geta hughreyst viðkvæmt hjarta,
gefið hlýju og um leið von bjarta.
Það styttir upp um síðir og sólin aftur skín,
við lærum fjölmargt nýtt og bætum okkar sýn.
Skref fyrir skref, einn dag í senn,
áfram við höldum, hugrekkir landsmenn.
-Katrín Ösp Jónsdóttir.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir