Einkaaðilar vilja reisa hótel í Hlíðarfjalli
Guðmundur Karl í Hlíðarfjalli. Mynd/Þröstur Ernir
Uppbygging Hlíðarfjalls ofan Akureyri hefur verið töluvert umræðunni upp á síðkastið og þá sérstaklega möguleikinn á aðkomu einkaaðila við uppbygginguna. Eins og Vikudagur fjallaði um nýlega hefur bæjarráð Akureyrar heimilað Atvinnuþróunarfélagi Eyjafjarðar að skoða þann möguleika til fullnustu að stofna félag í eigu bæði opinberra og einkaaðila með það markmið að stuðla að uppbyggingu í Hlíðarfjalli.
Samkvæmt deiliskipulagi á að rísa nýtt þjónustuhús á reitnum niður við stólalyftuna Fjarkann og kláfur í framhaldi að því. Auk þess eru áætlanir um byggingu 100 herbergja hótels ásamt íbúðarhóteli og frístundabyggð.
Guðmundur Karl Jónsson, forstöðumaður í Hlíðarfjalli, segir að nokkrir aðilar hafi sýnt því áhuga að reisa hótel á svæðinu líkt og áætlað er í deiliskipulaginu. Þessir aðilar vilja hinsvegar ekkert gera fyrr en búið er að bæta aðstöðuna með fleiri lyftukostum og öðru því tengdu.
En telur Guðmundur raunhæft að einkaaðilar komi að þessari uppbyggingu? Já ég tel það. Þetta snýst svolítið um hvað sveitafélagið vill gera. Það á fullu fangi með að byggja skóla, elliheimi og annað slíkt. Ef að sveitafélagið á pening til þess að byggja skíðalyftu þá er það frábært, en sveitarfélagið kemur aldrei til með að reisa hótel, frístundabyggð eða annað sambærilegt. Það hljóta að verða einkaframkvæmdir, segir Guðmundur.
Hvað varðar uppbyggingu á þjónustuhúsi segir Guðmundur að til staðar sé samvinnuverkefni á milli ríkisins og Akureyrarbæjar í gegnum Vetraríþróttamiðstöð Íslands. Það verkefni snúi að uppbyggingu á skíðabúnaði eins og til dæmis skíðalyftum, lýsingu, snjótroðara og fleiru. Þjónustuhúsið hins vegar lendi svolítið á milli í þessum samningum og um það hafi verið samkomulag síðan 2007 að ríkið kæmi ekki að þeirri byggingu, heldur væri hún á hendi Akureyrarbæjar. Samningurinn við Vetraríþróttamiðstöðina er útrunninn og verið er að skoða framhaldið.
Horft út fyrir landsteinana
Hvað varðar uppbyggingu á allsherjar skíðasvæði með aðkomu bæði sveitarfélagsins og einkaaðila með tilliti til hagnaðarsjónarmiða segir Guðmundur að líta verði út fyrir landssteinana.
"Af hverju ekki byggja upp skíðasvæði hér rétt eins og víða annars staðar? Þetta er dýrt og hvað varðar skíðasvæðið út frá hagnaðarsjónarmiði þá þurfum við að horfa út fyrir landsteinana. Það þarf þætti eins og beint flug til að þetta gangi upp. Þá verðum við samkeppnishæf við skíðasvæðin í Svíþjóð, Noregi eða Finnlandi sem eru ekkert stærri og merkilegari en okkar ef miðað er við landslagið. Þau svæði eru hinsvegar með fleiri lyftur, fleiri hótel á svæðinu og meiri þjónustu. Þeir eru líka að flytja inn 40-50 þúsund Breta á ári ásamt Hollendingum, Þjóðverjum og Dönum," segir Guðmundur.
Nýjast
-
Súlur 2025 eru komnar út
Ársrit Sögufélags Eyfirðinga er komið út og færir alls 12 greinar er varða ýmist fortíð eða nútíð. -
Skemmtileg hefð
Þann 10. júní síðastliðinn komu skemmtiferðaskipin Emerald Princess (Princess Cruises) og Viking Vela (Viking Ocean Cruises) í sínar fyrstu heimsóknir til Akureyrar. -
Bíladagar eru að hefjast á Akureyri
Bíladagar á Akureyri hefjast á morgun, föstudaginn 13. júní. Öll formleg dagskrá fer fram á aksturssvæði Bílaklúbbs Akureyrar við Hlíðarfjallsveg, fyrir utan bílasýninguna 17. júní í Boganum. -
Fundað með forsætisráðherra um stöðu Norðurlands eystra
Sveitarstjórar sveitarfélaga innan SSNE og framkvæmdastjóri samtakanna áttu í morgun fund með Kristrúnu Frostadóttur forsætisráðherra, þar sem þau lýstu áhyggjum af stöðu flutningskerfis raforku á svæðinu. Fundurinn var haldinn að frumvæði sveitarfélaganna sem vilja tryggja að raforkuinnviðir hamli ekki áframhaldandi atvinnuuppbyggingu á Norðurlandi eystra. -
Penninn á Akureyri 25 ára
„Verslun okkar á Akureyri er með vinsælli verslunum okkar,“ segir Ingimar Jónsson forstjóri Pennans. Nú eru 25 ár liðin frá því Penninn Eymundsson opnaði verslun sína á Akureyri og af því tilefni verða allar vörur á 25% afslætti fimmtudag, föstudag og laugardag. -
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina.
