„Ég þarf alltaf að vera einhvern andskotann að brasa“
Jóhannes Geir Einarsson þarf varla að kynna fyrir Húsvíkingum þó margir þekki hann sem Jóa á gröfunni enda búinn að vera í þeim bransa í bráðum 60. Hann stofnaði á sínum tíma Höfðavélar en sonur hans, Vilberg Njáll tók við rekstrinum fyrir nokkrum árum síðan.
Jóhannes segist í spjalli við Vikublaðið ekki muna eftir annarri eins tíð og verið hefur í sumar og ekkert lát virðist vera á. Hann segir starfið ekkert breytast þó veðrið sé gott nema að það sé þeim mun skemmtilegra að mæta í vinnuna.
Jói á götusópnum
„Ég er nú reyndar kominn svona á hliðarlínuna í sambandi við gröfuna en hef séð um sópunina,“ segir Jóhannes og bætir við að hann sé farinn að sjá um grasslátt fyrir bæinn í auknum mæli.
„Við keyptum gamla vél hjá bænum, gerðum hana upp og fengum með henni sláttuvél. Þá fór bærinn að leita til mín að slá fyrir þá, þeir hafa ekki haft neina vél í það í sjálfsagt ein tíu ár. Ég fór að gera það og keypti svo nýrri sláttuvél.“
Heyskapur í Skógum
Sonur Jóhannesar, Vilberg Njáll býr í dag að Skógum í Reykjahverfi þar sem hann ræktar blóðmerar svokallaðar. „Þegar Beggi minn flutti í Skóga með konunni, þá fóru þau að safna að sér blóðmerum. Það er tekið blóð úr merunum þegar þær eru á vissu hormónaskeiði eftir að vera búnar að kasta. Þetta er notað í lyf og hitt og þetta. Þau eru með 30 merar og ætla upp í 60. Það þarf náttúrlega að heyja fyrir þetta og ég hef séð um það. Ég heyjaði tæpar 400 rúllur suður í Skógum,“ segir Jóhannes.
Sólarstrandir heilla ekki
Jóhannes er orðinn 74 ára gamall og það liggur því beint við að spyrja hann hvort hann hafi ekki áhuga á að hægja á sér í vinnu og stunda ferðalög til Kanaríeyja?
„Það hefur aldrei heillað mig að liggja á sólarströnd. Ég þarf alltaf að vera einhvern andskotann að brasa,“ segir hann þá og er snöggur að því. „Mér hefur hins vegar þótt vera rosalega notalegt í heyskapnum. Að vera úti í góðu veðri og glaða sólskini, það verður nú ekkert betra. Það fer nú að styttast í að ég sé búinn að vera 60 ár í þessum bransa. Það er 2023, ég fer ekkert að hætta fyrir það,- nema ég drepist áður,“segir Jóhannes og hlær.
Í prentútgáfu Vikublaðsins segir Jóhannes Geir frá atburðum árið 1968 þegar danskt flutningaskip, Hans Sif strandaði við Rifstanga á Melrakkasléttu. Faðir hans, Einar M. Jóhannesson keypti farminn en Jóhannes segir frá vasklegri björgun farmsins úr skipinu.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir