Efla þarf áhuga á störfum á ÖA og fjölga fagfólki
Fyrirséð er að erfitt getur orðið að fá starfsfólk til starfa í öldrunarþjónustu í framtíðinni.
Á síðasta fundi félagsmálaráðs var fjallað um mikilvægi þess að efla áhuga á störfum á Öldrunarheimilum Akureyrar og fjölga starfsfólki. Samkvæmt mannfjöldaspám mun öldruðum fjölga í framtíðinni, aldraðir munu lifa lengur með fjölþætta sjúkdóma. Fyrirséð er að erfitt getur orðið að fá starfsfólk til starfa í öldrunarþjónustu í framtíðinni. Fram kemur í bókun félagsmálaráðs, að samkvæmt starfsáætlun 2011-2014 skal skipa starfshóp sem gerir áætlun um aðgerðir til þess að gera störf á ÖA sýnileg og áhugaverð. Einnig verði gerð áætlun um átak til þess að fjölga fagfólki. Starfshópur skili tillögum fyrir árslok 2012.
Félagsmálaráð skipaðí Dag Fannar Dagsson og Jóhann Ásmundsson í vinnuhóp til þess að vinna aðgerðaráætlun til að gera störf á ÖA sýnilegri og áhugaverðari og að fjölga fagfólki. Framkvæmdastjóra ÖA var falið að leita eftir tilnefningum annarra aðila í vinnuhópinn.
Einnig var fjallað um áætlun um þróun þjónusturýma. Samkvæmt starfsáætlun 2011-2014 skal skipa starfshóp sem gerir áætlun um þróun þjónusturýma á ÖA, þ.e. áætlaðan fjölda hjúkrunar-, dvalar-, skammtíma- og dagvistarrýma og staðsetningu þeirra, sem og áætlun um nýbyggingar í stað úreltra rýma á ÖA. Starfshópur skal skila tillögum til félagsmálaráðs fyrir 1. júní 2012. Félagsmálaráð skipaði Indu Björk Gunnarsdóttur og Oktavíu Jóhannesdóttur sem fulltrúa sína í starfshóp til þess að gera áætlun um þróun þjónusturýma hjá ÖA.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.