Dýrin í Hálsaskógi í uppsetningu Leikfélags Húsavíkur
Leikfélag Húsavíkur Sýnir Dýrin í Hálsaskógi eftir Thorbjörn Egner
Mynd: Berglind Ósk Ingólfsdóttir
Leikfélag Húsavíkur sýnir um þessar mundir Dýrin í Hálsaskógi eftir Thorbörn Egner í leikstjórn Jennýar Láru Arnórsdóttur. Blaðamaður hjá dagskrain.is skellti sér á sýningu í gær sunnudaginn 13. mars.
Sýningin er ákaflega vel heppnuð í alla staði og leikarar sem eru skipaðir frábæru hæfileikafólki á öllum aldri standa sig með prýði. Blaðamaður er af þeirri kynslóð sem man vel eftir Bessa Bjarnasyni í hlutverki Mikka refs og Árna Tryggva í hlutverki Lilla klifurmúsar. Í uppfærslu Leikfélags Húsavíkur er það Jón Ásþór Sigurðarson sem fer með hlutverk Mikka og Ófeigur Óskar Stefánsson með hlutverk Lilla. Það er óhætt að segja að þeir fari báðir á kostum í hlutverkum sínum og eru alls engir eftirbátar hinna föllnu meistara Bessa og Árna. Sömu sögu má raunar segja um aðra leikara og þá sem standa að sýningunni á bak við tjöldin.
Eitt var það þó sem bar af, að öðru ólöstuðu í þessari sýningu. Það er leikmyndin. Það er alls engin hægðarleikur að vinna með jafn lítið svið eins og er í Samkomuhúsinu á Húsavík. Leikfélagið hefur reyndar marg sýnt það og sannað að þar innanborðs er rík uppspretta af hæfileika- og hugmyndaríku fólki. Sviðsmyndin í Dýrunum í Hálsaskógi er ákaflega falleg, en hún hreyfir ekki bara við sjónskynjun áhorfandans heldur einnig lyktarskyni. Sviðið saman stendur af ótal trjám og greinum svo salurinn fyllist notalegum skógarilmi.
Þótt blaðamaður sé að nálgast miðjan aldur þá skemmti hann sér konunglega og líklega ekki síður en öll börnin sem fylgdust sem dáleidd með. Og auðvitað var stöku hróp úr salnum, þar sem börnin vildu vara við refnum, enda er það bara gaman.
Dagskrain.is mælir eindregið með sýningunni, kjörið fyrir foreldra að fara með börnin þar sem allir geta hlegið og skemmt sér saman. EPE
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.