Dagur íslenskrar tungu í Háskólanum á Akureyri
Háskólinn á Akureyri, Menningarfélagið Hraun í Öxnadal og grunnskólar í Eyjafirði standa sameiginlega að dagskrá í tilefni af Degi íslenskrar tungu 16. nóvember. Dagskráin fer fram í hátíðarsal Háskólans á Akureyri kl. 17:00 18:30. Dagskráin er afar fjölbreytt en þar mun Guðmundur Engilbertsson sérfræðingur á Miðstöð skólaþróunar segja frá niðurstöðum rannsóknar á lestrarvenjum barna í fjórum löndum Evrópu. Þá munu börn í grunnskólum í Eyjafirði flytja ljóð eftir Jónas Hallgrímsson og undirrituð verður viljayfirlýsing um stofnun Rannsóknaseturs um barnabókmenntir og lestur barna við Háskólann á Akureyri.
Dagskrá:
1. Brynhildur Þórarinsdóttir rithöfundur og lektor við HA opnar dagskrána
2. Börn úr grunnskólum í Eyjafirði flytja ljóð um og eftir Jónas Hallgrímsson
3. Guðmundur Engilbertsson lektor við HA og sérfræðingur við Miðstöð skólaþróunar flytur erindið Vegir liggja til allra 8 - bækur og börn
4. Tónlist og fjöldasöngur
5. Opnun nýrrar heimasíðu Sjávarútvegsmiðstöðvar HA um lífríki sjávar í Eyjafirði
6. Undirritun viljayfirlýsingar um stofnun Barnabókaseturs
Dagskráin er öllum opin, enginn aðgangseyrir, verið velkomin!
Úr Fjörunni til stórborga. Jón Sveinsson Nonni, á degi íslenskrar tungu í Háskólanum á Akureyri. kl. 16-16:45 í fyrirlestrarsal M102 .
Dagskrá: Hermann Sausen, sendiherra Þýskalands flytur opnunarávarp. Brynhildur Pétursdóttir, fv. safnvörður Nonnahúss: Nonni um víða veröld Ný bók um ævi Jóns Sveinssonar og sýningar í Þýskalandi og Japan. Ágúst Þór Árnason, aðjúnkt við Háskólann á Akureyri: Stórborgarævintýri æskumanns.
Í ár ætla nemendur og starfsmenn Þelamerkurskóla að koma saman á sal kl. 11.50, 16. nóvember, á fæðingardegi Jónasar Hallgrímssonar. Dagskráin verður fjölbreytt og er hún helguð Jónasi, íslenskri tungu og Stóru upplestrarkeppninni. Allir 7. bekkingar taka þátt í henni og hefst hún formlega á þessum degi. Í Jónasarlaug geta sundlaugargestir lesið ljóð sem nemendur 1.-4. bekkjar hafa skrifað upp og myndskreytt. Ljóðunum verður komið fyrir nálægt heitu pottum laugarinnar. Einnig verða verk nemenda elsta námshópsins Ég sem Jónas komið fyrir í anddyri laugarinnar.
Nýjast
-
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla.
