Staða bæjarsjóðs
Töluverð umræða hefur verið síðustu daga í kjölfar beiðni minnar í bæjarráði um að unnið yrði sex mánaða uppgjör fyrir bæjarsjóð. Ég hef fengið fjölmargar fyrirspurnir um það hvað mér hafi gengið til með þessari beiðni, enda árshlutauppgjör ekki verið gerð hingað til fyrir bæjarsjóð Akureyrarkaupstaðar.
Ég tel því rétt að bregðast við þessu og skýra mál mitt frekar hér í nokkrum orðum.
Við fyrri umræðu um fjárhagsáætlun yfirstandandi árs í bæjarstjórn í desember sl. óskaði ég eftir því að tíminn milli fyrri og seinni umræðu í bæjarstjórn yrði nýttur til að fara betur ofan í forsendur áætlunarinnar og leitað yrði leiða til að ná niður gjöldum um nokkur hundruð milljónir króna.
Mér þótti þá ljóst í hvað stefndi og því nauðsynlegt að grípa þegar til aðgerða.
Því miður var ekki hljómgrunnur fyrir þessari tillögu minni í bæjarstjórn og hálfum mánuði síðar var fjárhagsáætlunin nánast óbreytt komin til endanlegrar afgreiðslu og þar fékk hún samþykki allra bæjarfulltrúa nema að ég gat ekki greitt henni mitt atkvæði.
Þegar ársreikningur 2012 var síðan kynntur á vordögum kom í ljós að það var 750 milljón króna halli á bæjarsjóði og einnig halli á samstæðunni þrátt fyrir góða afkomu Norðurorku og eins 200 milljón króna bótagreiðslu frá Viðlagatryggingarsjóði. Býst ég við að það hafi komið mörgum óþægilega á óvart.
Eins og fram hefur komið hjá formanni bæjarráðs þá fá bæjarfulltrúar reglulega yfirlit yfir stöðu bæjarsjóðs í bæjarráði, sem eru í raun vinnugögn sem ekki eiga að kalla á opinbera umræðu s.s. eins og í bæjarstjórn. Þær tölur sem hafa verið að koma í ljós um rekstur bæjarins geta varla talist trúnaðarmál lengur í ljósi umræðunnar í fjölmiðlum síðustu vikurnar.
Ég tel hins vegar að það hefði verið eðlilegra að sú umræða færi fram þegar það lægi fyrir formlegt árshlutauppgjör.
Því miður fékk tillaga mín ekki brautargengi í bæjarráði og var felld með atkvæðum meirihlutans og fulltrúa Bæjarlistans, en fulltrúi Vinstri Grænna sat hjá.
Þessi tillaga mín er algjörlega eðlileg í ljósi afstöðu minnar í bæjarstjórn við afgreiðslu fjárhagsáætlunar sl. haust og eins þeirra upplýsinga sem bæjarfulltrúar hafa verið að fá að undanförnu um stöðu bæjarsjóðs.
Formlegt árshlutauppgjör hefði verið nauðsynlegt verkfæri til að fá fram opna og markvissa pólitíska umræðu um mikilvægt mál. Mál sem ekki batnar við að bíða. Það eitt gekk mér til.
Ólafur Jónsson
Höfundur er bæjarfulltrúi
Sjálfstæðisflokksins á Akureyri.
Nýjast
-
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum.
