Minjasafnið leitar að jólaskrauti og jólagjöfum frá ýmsum tímum
Jólaskreytingar aukast í kringum 1906 en verður ekki sjálfsagður hluti jólahalds meðal almennings fyrr en milli 1940 og 50. Hanna Rósa Sveinsdóttir sérfræðingur á Minjasafninu segir að verið sé að óska eftir jólaskrauti frá ýmsum tímum en þó ekki því allra nýjasta. Skraut sem skráð verður sem safngripir og varðveitt sem slíkt en jafnframt skraut sem hægt verður að nota á starfsdögum. "Þetta getur verið allt frá jólatrám og niður í jólaskraut á tré. Einnig þessar gömlu bréflengjur sem voru dregnar í sundur eins og harmonikur og hengdar upp í loft horna á milli í stofum á árum áður. Það er ákveðin tíska í jólaskrauti eins og annarri tísku, hvað varðar litaval, efni og stíla. Okkur langar að geta sýnt sem breiðustu og trúverðugustu flóruna og að ná sem mestu inn frá hverju tímabili. Margir hlutir öðlast tilfinningalegt gildi með árunum og það er eins og að hitta gamla vini að opna kassana með jólaskrautinu í desember og týna fram eitt og annað," segir Hanna Rósa.
Aðventuljós og jólaseríur eru líka hlutir sem safnið leitar eftir og segir Hanna Rósa að þá skipti ekki öllu máli hvort slíkir hlutir eru nothæfir lengur eða ekki. "Gamlar jólaseríur hafa ákveðin gildi og útlit þeirra hefur breyst í gegnum tíðina. Ef einhver lumar á fyrstu kynslóð af aðventuljósum er það líka eitthvað sem væri vel þegið."
Nú stendur yfir örsýningin "Hvað var í pakkanum" á Minjasafninu. Að gefa jólagjafir eins og nú tíðkast er ekki gamall siður meðal almennings hér á landi. Jólaglaðningurinn fólst oftast nær í einhverri tilbreytingu í mat og drykk eða betur útlátnum matarskammti auk nýrrar flíkar. Það er ekki fyrr en eftir miðja 19. öld að nokkuð fór að bera á jólagjöfum eins og við þekkjum þær og í raun ekki fyrr en eftir 1940 sem almenningur gat leyft sér að kaupa þær og gefa vegna fátæktar.
Í tengslum við sýninguna vill starfsfólk safnsins biðla til fólks um gamlar skemmtilegar og eftirminnilegar jólagjafir sem það myndi vilja gefa á safnið og ekki væri verra ef með fylgdi frásögn af minningum viðkomandi um gjöfina og hversu dýrmæt hún er. "Skemmtilegt er frá því að segja að ákveðin tískusveifla er einnig í jólagjöfum. Hver man ekki eftir því þegar stórhluti landsmanna fengu fótanuddtæki! Safnið á þó tvö slík tæki og er því nokkuð vel sett með það," sagði Hanna Rósa.
Þá er einnig ástæða til að minna fólk á að hafa Minjasafnið í huga á þrettándanum þegar jólaskrautið verður tekið niður. Þeir sem eiga jólaskraut eða gamla jólagjöf með sögu sem þeir vilja gefa Minjasafninu er bent á að hafa samband við starfsfólk þess í síma 462-4162.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
