Hestamennska er lífsstíll
Sumarið fór heldur seinna af stað hjá okkur hestamönnum og við misstum alveg af vorinu. Þannig að það hefur lítið farið fyrir ferðalögum, segir Andrea Margrét Þorvaldsdóttir formaður hestamannafélagsinsLéttis á Akureyri.Snjóþungur vetur hefur gert hestafólki erfitt um vik að ferðast það sem af er sumri, víðast hvar er jarðvegur enn blautur og talsvert vatn í ám. Andrea segir hestafólk taka þessu með jafnaðargeði. Við erum útivistarfólk og höfum lært það að við ráðum ekki við náttúruna. En það er ýmislegt um að vera hjá okkur. Léttir hefur staðið fyrir mótaröð í fyrsta sinn núna í sumar þar sem keppt var öll fimmtudagskvöld. Við höldum líka Íslandsmót yngri flokka sem hefst í dag, 18. júlí. Það verða um 350 keppendur og því nokkuð stórt mót.
Fá ferðalög
Hins vegar hefur þetta verið slappt sumar hvað varðar hestaferðalög og ég man ekki eftir svona rólegri tíð hjá okkur í mörg ár. Andrea segir þreytu gæta meðal hestamanna eftir langan og strangan vetur. Það byrjaði að snjóa af hörku strax í september og margir voru búnir að hýsa í nóvember. Það er mikil binding þannig að margir eru þreyttir og sumir eflaust komnir með leið á hestum sínum, segir Andrea. En það ætti allt að fara á fullt núna seinni partinn í júlí og ef guð er góður fáum við hlýtt og gott haust. Þá er ekkert því til fyrirstöðu að við ferðumst út september og jafnvel eitthvað lengur.
Á tólf hesta
Andrea segist ríða út eins oft hún getur en sjálf á hún hvorki meira né minna en tólf hesta. Það er töluvert mikið fyrir manneskju í fullri vinnu, segir Andrea og hlær. Það þarf að sinna hrossunum og ég ríð út flesta daga, hvort sem farið er í Sörlastaði, Melgerðismela eða Mývatnssveit. Hestamennska er lífsstíll og það er mjög erfitt að vera ein í fjölskyldunni í þessu sporti. Sumir fæðast inn í hestmennsku og fá áhugan beint í æð. Það var ekki þannig hjá mér þar sem ég byrjaði ein en dró svo mömmu og pabba inn í þetta. Þau fara reyndar ekki mikið á bak en hafa verið dugleg við að sinna hestunum. Svo hef ég verið fara með frændur og frænkur á bak þannig að fjölskyldan tekur virkan þátt í þessu með mér, segir Andrea Margrét.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
