Englar alheimsins í Hofi
Uppsetning Þjóðleikhússins á Englum alheimsins á liðnu vori hlaut mikið lof áhorfenda og gagnrýnenda. Sýningin var tilnefnd til níu Grímuverðlauna og hlaut Grímuna fyrir leikmynd, búninga og leikverk ársins. Sýningar á Englum alheimsins hafa haldið áfram fyrir fullu húsi í Þjóðleikhúsinu í haust og nú leggur leikhópurinn land undir fót og setur Engla Alheimsins á svið í Menningarhúsinu Hofi á Akureyri.
Ingibjörg Ösp Stefánsdóttir framkvæmdarstjóri Hofs segir það mikið tilhlökkunarefni að taka á móti leikurum og starfsfólki Þjóðleikhússins. Þetta er í annað sinn sem að Þjóðleikhúsið heimsækir Hof en á fyrsta starfsári hússins var Íslandsklukkan sýnd þar fyrir fullu húsi. Nú fáum við að taka á móti þessari frábæru sýningu sem Englar alheimsins er og það er alltaf gaman að fá að taka þátt í því að Akureyringar og Norðlendingar geti sótt vinsælar sýningar sem þessa í heimabyggð. Segir Ingibjörg.
Það verða aðeins tvær sýningar á Englum alheimsins í Hofi, föstudagskvöldið 10.janúar og laugardaginn 11.janúar. Það eru margir hlutir sem þurfa að ganga upp þegar að svona fjölmennur leikhópur leggur land undir fót en það eru tólf leikarar sem taka þátt í sýningunni auk tæknifólks. Það er alltaf svolítið púsluspil að finna tímasetningu sem hentar öllum í svona hóp þar sem að leikararnir eru margir hverjir að vinna í öðrum verkefnum samhliða sýningum á Englunum. Segir Ingibjörg.
Englar alheimsins er á meðal kunnustu skáldsagna síðari ára á Íslandi og fáar sögur hafa hitt þjóðina jafn rækilega í hjartastað. Bókin Englar alheimsins eftir Einar Má Guðmundsson hlaut Bókmenntaverðlaun Norðurlandaráðs og hefur verið þýdd á fjölmörg tungumál. Margir muna einnig eftir vinsælli kvikmynd sem var gerð eftir efni bókarinnar með Ingvari E. Sigurðssyni í aðalhlutverki.
Í leiksýningunni er það Atli Rafn Sigurðarson sem leikur aðalhlutverkið en hann hefur hlotið mikið lof fyrir frammistöðu sína sem listamaðurinn Páll sem ungur að árum er illa haldin af geiðveiki og missir tökin á lífinu. Í öðrum hlutverkum eru Sólveig Arnardóttir, Ólafur Egilsson, Jóhannes Haukur Jóhannesson og Ágústa Eva Erlendsdóttir, svo einhverjir séu nefndir. Tónlistin í sýningunni er eftir hljómsveitina Hjaltalín, en Högni Egilsson söngvari hljómsveitarinnar fer einnig með hlutverk í sýningunni.
Ingibjörg segir að það sé í mörg horn að líta þegar að leiksýning sem þessi er flutt landshluta á milli. Það er auðvitað heilmargt sem huga þarf að þegar að flytja þarf leikmynd, leikmuni og búninga á milli landshluta en það er fagfólk á öllum vígstöðvum sem hefur unnið að undirbúningi vegna þessa frá því í haust. Ég hvet allt leikhúsáhugafólk og aðra til að koma og sjá magnaða uppsetningu Þjóðleikhússins á þessari sögu sem svo margir þekkja.
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
