Byggja á 45 ný hjúkrunarrými fyrir aldraða á Akureyri
Ríkisstjórnin samþykkti í vikunni að heimila félagsmálaráðherra að vinna að hugmyndum um bygginu 361 hjúkrunarrýmis fyrir aldraða á árunum 2010 til 2012. Hugmyndirnar gera ráð fyrir að því að byggð verði 45 hjúkrunarrými á Akureyri. Sigrún Stefánsdóttir formaður félagsmálaráðs Akureyrar var að vonum ánægð með þessi tíðindi, sem og Hermann Jón Tómasson bæjarstjóri.
Sigrún segir að ekki sé um fjölgun hjúkrunarrýma að ræða, þar sem leigusamningur vegna Kjarnalundar rennur út árið 2012 en þar eru nú 44 rými. "Þetta eru afar ánægjulegar fréttir á þessum tímum og leysir vanda sem við höfum staðið frammi fyrir. Við höfum verið að þrýsta á það undangengin ár að koma þessu í gegn og ég og Hermann Jón höfum átt fundi með bæði fyrrverandi og núverandi ráðherrum um þetta mál. Þetta verður mjög til bóta varðandi þjónustu við aldraða og þá er þetta ekki síður ánægjulegt fyrir atvinnulífið."
Sigrún segir nauðsynlegt að þessi nýju hjúkrunarrými verði tilbúin þegar leigusamningurinn í Kjarnalundi rennur út og að því verði stefnt. "Húsnæðið í Kjarnalundi er barns síns tíma og er ekki að fullnægja þeim kröfum sem gerðar eru, enda ekki byggt sem slíkt." Sigrún segir að ekki liggi fyrir hvar þetta húsnæði verður byggt en að það verði ekki vandamál að finna því stað. Hún sagði að horft hafi verið til Akureyrarvallarsvæðisins en að ekki standi til að byggja þar í nánustu framtíð. "Ég sé fyrir mér að þetta húsnæði verði byggt á svæði þar sem hægt verður svo að bæta við í framtíðinni. Á Hlíð eru einnig rými sem er ekki viðunandi og því má segja að það vanti 80-90 rými í viðunandi horfi. Þessi nýju 45 rými munu því leysa um helming vandans."
Hermann Jón segir að það sé full ástæða til þess að þakka þau jákvæðu viðbrögð sem fengist hafi við þessu erindi. Gert sé ráð fyrir að sveitarfélögin geri samning við fjármála- og félagsmálaráðuneytið um verkefnið og greiðslur vegna þess. Hermann Jón fundaði með félagsmálaráðherra ásamt öðrum bæjarstjórum sem málið varðar í vikunni, þar sem farið var betur yfir samstarf ríkisins og sveitarfélagsins um framkvæmdina.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.