Bútasaumur í miðbænum
Jón Hjaltason skrifar
Ég held að við Ragnar Sverrisson séum á öndverðum meiði um nær allt er lýtur að framkvæmd miðbæjarskipulags. Og þegar Ragnar skrifar að flestar bakhliðar gömlu húsanna við Hafnarstræti og á þá við Bautann, gamla Íslandsbanka og húsin þar fyrir innan séu ekkert augnayndi verð ég hreinlega orðlaus.
Glámskyggni
Sama glámskyggni glepur fyrir þegar kemur að skipulagsumræðunni. Talað er um lágreist hús (þau verða um 15 metrar á hæðina), styrkja á gömlu götumyndina (með steinsteypu sem enginn veit hvernig líta mun út), skapa bjart umhverfi (líkt og er í syðri hluta göngugötunnar), bílastæðin burt (neðanjarðarstæði og bílahús komi í staðinn seinna). Fleira mætti telja í þessum dúr en á endanum verður sú sorglega staðreynd ekki umflúin að bæjarstjórn Akureyrar er staðráðin í að Drottningarbrautarreiturinn skuli þéttbyggður (einhverjir vilja raunar halda þeim framkvæmdum áfram út að BSO).
Við stefnum því óðfluga í átt að sömu bæjarmynd og finna má dæmi um í Reykjavík og Hafnarfirði þar sem nýleg háhýsi eru fram við sjávarsíðuna, rétt eins og til að fela eldri byggðina. Sama ber fyrir augu nyrst á Siglufirði en Siglfirðingar sáu heldur betur að sér og fylgja nú þeirri skemmtilegu og réttu stefnu að láta byggðina lækka niður að sjónum.
Slysastefna
Raunar þurfum við ekkert út fyrir bæjarmörkin til að sjá dæmi þessarar slysastefnu. Fyrir austan Bautann er ágætt steinhús, sem á þó alls ekki heima á þessu horni. Er ekki augljóst að húsaröðin inn Hafnarstrætið væri mun skemmtilegri ef þetta hús hefði aldrei risið?
Svo er talað um Bútasaum af skefjalausri fyrirlitningu, sem ég tek reyndar undir (þar erum við Ragnar þó sammála). Akureyringum verður hins vegar ekki forðað frá þessum bútasaumi ef stefna bæjarstjórnar nær fram að ganga. Við megum eiga von á ákaflega flekkóttu hverfi á Drottningarreitnum (má ég ekki sleppa brautinni?), rétt eins og gerðist á torfunni fyrir norðan Höepfner. Selja á byggingarmönnum lóðarréttinn en eftir það verður erfitt að hemja þá eins og dæmin sanna. Nei, ef menn vilja í alvöru koma í veg fyrir bútasaum í byggðinni er aðeins eitt ráð tiltækt; að bærinn láti teikna hús á lóðirnar og selji síðan teikningu og byggingarrétt í einum pakka.
Allra best væri þó að láta af þessum byggingaráætlunum á Drottningarreitnum, meðal annars vegna hinnar miklu bæjarprýði sem er þar að bakhliðum allra gömlu húsanna.
Með þökk fyrir birtinguna.
Höfundur er sagnfræðingur
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.