Búist við átakafundi í bæjarstjórn
Aukafundur í bæjarstjórn Akureyrar verður á dagskrá í kvöld, fimmtudag, að ósk minnihlutans. Eins og greint var frá í síðustu viku óskaði minnihlutinn eftir aukafundi varðandi miðbæ Akureyrar. Minnihlutinn vill að rætt verði um afgreiðslu skipulagsnefndar á málefnum Hafnarstrætis 106, umræður verði um fyrirspurn til bæjarstjórnar frá Ragnari Sverrissyni sem birtist í Akureyri Vikublaði þann 5. febrúar sl. og einnig að rætt verði um framtíðarsýn bæjarstjórnar varðandi miðbæinn.
Njáll Trausti Friðbertsson, bæjarfulltrúi Sjálfstæðisflokksins, segir að minnihlutinn muni væntanlega koma með bókanir undir öllum þremur liðunum sem ræddir verða í kvöld. En má búast við því að hart verði tekist á í kvöld? Já, ég gæti vel trúað því enda eru þetta mál sem flestir hafa skoðanir á, segir Njáll Trausti.
Sóley Björk Stefánsdóttir, oddviti Vinstri grænna, segist kalla eftir umræðu um framtíðarsýn á miðbæjarskipulagið. Okkur þykir þetta stórt mál og miðbæjarskipulagið er eitthvað sem skiptir bæjarbúa miklu máli. Þess vegna fórum við fram á þennan fund. Það er t.d. ekki eðlilegt að skipulagsnefnd og skipulagsstjóri séu á öndverðum meiði varðandi Hafnarstæti 106 og þarf að ræða það sérstaklega. Skipulagsnefndin hefur sagt að það vilji skýrari verklagsreglur og það er okkar að ræða það líka, segir Sóley.
Eins og fjallað hefur verið um í fjölmiðlum hefur verið deilt um Hafnarstræti 106, jafnan nefnt Braunhúsið. Umræður um afgreiðslu byggingarleyfis vegna breytinga á útliti og innra skipulagi hússins voru teknar fyrir á fundi skipulagsnefndar Akureyrarbæjar nýverið. Ágreiningur er á milli nefndarinnar og skipulagsstjóra bæjarins um túlkun á hvað sé óveruleg eða veruleg breyting og því hvort skipulagsstjóra bar að leggja málið fyrir skipulagsnefnd eða ekki.
Skipulagsnefnd gerir athugasemd við að byggingarleyfi hafi verið veitt fyrir verulegum breytingum á Hafnarstræti 106 án umfjöllunar nefndarinnar. Nefndin telur að breytingarnar vinni gegn samþykktu skipulagi bæjarins og séu til þess fallnar að festa húsið í sessi.
-þev
Nýjast
-
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing.
