Búfesti skilar inn lóðum við Þursaholt 2 til 12
„Það hefur ekki verið tekin nein ákvörðun um hvað við gerum við lóðina, hvort hún verður auglýst aftur eins og hún er eða hvort við skoðum mögulegar breytingar,“ segir Pétur Ingi Haraldsson skipulagsfulltrúi Akureyrarbæjar um lóðina Þursaholt 2 til 12.
Lóðin er í hinu nýja Holtahverfi norður, í nyrsta hluta hverfisins og hafði Búfesti fengið lóðinni úthlutað. Félagið hefur nú óskað eftir því að skila lóðinni til Akureyrarbæjar aftur.
Skipulagsráð fjallaði um málið á fundi og fól skipulagsfulltrúa að útbúa minnisblað um möguleika á uppbyggingu lóðarinnar og leggja fyrir ráðið.
Samvinna við eldri borgara
Á svæðinu hugðist Búfesti reisa ríflega 130 íbúðir í nokkrum fjögurra hæða húsum. Gert var ráð fyrir að tvö húsanna yrðu byggð í samvinnu við Félag eldri borgara á Akureyri og eyrnamerkt fólki 60 ára og eldra, en mikil eftirspurn er eftir hentugu húsnæði frá þeim hópi. Í fyrrasumar komust áform um uppbyggingu íbúðanna í uppnám vegna nýrra lánaskilyrða Húsnæðis- og mannvirkjastofnunar, HMS sem voru þess eðlis að bróðurpartur félagsmanna féll ekki undir þau tekju- og eignamörk sem sett voru. Mikil óánægja braust út í kjölfarið meðal eldri borgara með útspil HMS. Framkvæmdir Búfestis fóru í biðstöðu í fyrrasumar á meðan þess var freistað að fá HMS til að breyta nýju lánaskilyrðunum.
HMS slítur 30 ára samstarfi
„Þetta er mikil vonbrigði. Það er mikil þörf fyrir íbúðir af því tagi sem til stóð að byggja á þessu svæði, þ.e. íbúðir sem eru án mjög strangra tekju- og eignamarka. Við komust því miður ekki áfram með málið og staðan er sú að HMS hefur ákveðið að slíta 30 ára samstarfi við okkur nema í flokki niðurgreiddra félagslegra íbúða,“ segir Eiríkur H. Hauksson framkvæmdastjóri Búfestis. Hann bætir við að vissulega sé ástand efnahagsmála heldur ekki að hjálpa þegar kemur að stórum verkefnum líkt og til stóð að hefja við Þursaholt. Háir vextir og mikil verðbólga gerir ekki fýsilegt að ráðist í byggingu yfir 130 íbúða.
Nýjast
-
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju -
Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan. -
Fiðringur í HOFI þriðja sinn 8. maí n.k.
Fiðringur á Norðurlandi verður haldinn í HOFI þriðja sinn þann 8. maí kl 20. Skrekkur í Reykjavík og Sjálftinn á Suðurlandi eru fyrirmyndir Fiðrings sem er dýrmætur vettvangur fyrir unglingana á Norðurlandi eystra til að láta rödd sína heyrast. -
Listasafnið á Akureyri: Nemendasýningar opnaðar á laugardaginn
Laugardaginn 4. maí kl. 15 verða tvær sýningar opnaðar í Listasafninu á Akureyri: Nemendasýning Myndlistaskólans á Akureyri, Sjónmennt 2024, og útskriftarsýning nemenda listnáms- og hönnunarbrautar VMA, Bragðarefur. -
Nýr sviðsstjóri Netöryggismiðstöðvar Íslands
Skúli Bragi Geirdal, sérfræðingur í miðlalæsi hjá Fjölmiðlanefnd er nýr sviðsstjóri SAFT - Netöryggismiðstöðvar Íslands (Safer Internet Center á Íslandi). -
Ólöf Ása Benediktsdóttir ráðin skólastjóri Hrafnagilsskóla
Sveitarstjórn Eyjafjarðarsveitar hefur ákveðið að ráða Ólöfu Ásu Benediktsdóttur í stöðu skólastjóra Hrafnagilsskóla og mun hún taka formlega við stöðunni þann 1. ágúst 2024. Ólöf Ása hefur starfað við Hrafnagilsskóla frá því árið 2005, lengst af sem umsjónarkennari en veturinn 2016-2017 leysti hún af sem aðstoðarskólastjóri -
Afkoma Kjarnafæðis Norðlenska í samræmi við væntingar
Afkoma Kjarnafæðis Norðlenska hf. fyrir árið 2023 var í samræmi við áætlanir þrátt fyrir krefjandi ytri aðstæður á árinu. Fjármagnskostnaður var samstæðunni íþyngjandi í því háa vaxtaumhverfi sem einkenndi árið 2023 en aðhald í rekstri og hagræðingaraðgerðir vegna samruna Kjarnafæðis og Norðlenska hafa á sama tíma skilað verulegum rekstrarbata. -
Akureyri - Hængsmenn eru höfðingjar
Lionsklúbburinn Hængur heldur sitt árlega Hængsmót í 42 skiptið um komandi helgi, 3 til 5 maí. Á mótinu keppa um 200 keppendur í Boccia og lýkur mótinu með veglegu lokahófi og balli.
Athugasemdir