Búðargil, ekki Lækjargil
Í Vikudegi 6. nóvember er þónokkuð fjallað um Búðargil í innbænum á Akureyri. Þar er það alltaf kallað Lækjargil. Sú tilhneiging að kalla gillið lækjargil fer mjög vaxandi í seinni tíð. Þessi ruglingur kemur efalaust til af því að gatan, sem eftir gilinu liggur heitir Lækjargata og renna þá gilið og gatan saman í eitt. Mér finnst ástæða til að bend á þetta því að best er að örnefni fái að haldast óbrengluð.
Hin upprunalega Akureyri var ekki stór. Hún var einungis frambuðurinn úr þessu gili og náði svona uþb. að sunnan, frá Gamla spítalanum og skammt norður fyrir Pakkhúsið. Þar norðan við var fjaran, ófær á stórstraumsflóði en sunnanvið eyrina var landræma, sem byggðist áður en farið var að fylla upp norðanvið. Fyrsta byggð á Akureyri var verslunarhús er danskur kaupmaður byggði og var það kallað búð.
Upp af búðinni var gilið er var kennt við búðina, Búðargil og lækurinn er rann eftir gilinu Búðarlækur. Hann er nú horfinn í dag. Svipaður ruglingur varð með Grófargilið. Gatan, sem lögð var um gilið var kölluð Kaupvangsstræti og því fór fólk að kalla gilið Kaupvangsgil og oftar Kaupfélagsgil þar sem þar voru höfuðstöðvar KEA. Einnig var það áður kallað Grúthúsagil af sumum, vegna þess að þar voru sláturhús. Um Grófargilið rann lækuinn, sem myndaði Torfunefið og þar er bryggjan.
-Þór Sigurðsson á Minjasafni á Akureyrar
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
