Breyting á aðalskipulagi Eyja- fjarðarsveitar vegna efnistöku
Nokkrar athugasemdir voru gerðar við umhverfisskýrsluna og sveitarstjóra falið að koma þeim á framfæri. Þá var ákveðið að leyfa ekki efnistöku úr austurkvísl við Staðarey. Varðandi efnistöku í landi Hvamms kom fram tillaga formanns um að fella hana einnig út af aðalskipulagi. Tillagan var samþykkt með þremur atkvæðum gegn tveimur og er svohljóðandi:
"Skipulagsnefnd Eyjafjarðarsveitar leggur til að sprengináma í Hvammi verði felld út úr fyrirliggjandi tillögu að breytingu á
Aðalskipulagi. Fyrir liggur að upphaflegar forsendur að nýta meginþorra efnisins við lengingu Akureyrarflugvallar eru brostnar. Jafnframt liggur fyrir að náman
verður mikið lýti í landslagi m.a. fyrir flugfarþega að og frá Akureyrarflugvelli. Þá liggur vinnslusvæði nærri einu
fjölsóttasta utivistarsvæði landsmanna sem er Kjarnaskógur. Ekki er um afturkræfa framkvæmd að ræða né heldur endurnýjanlega
auðlind. Þessi afgreiðsla er samhljóða niðurstöðu umhverfisnefndar Eyjafjarðarsveitar. Jafnframt liggja fyrir ábendingar um óheppilega
nálægð við Kjarnaskóg og næstu bújörð sbr. athugasemdir frá skipulagsnefnd Akureyrar október 2008, umhverfisnefnd Akureyrar
október 2008 og nágrannabýlinu Vöglum í Eyjafjarðarsveit ágúst 2008. Í nýunninni umhverfisskýrslu Eflu verkfræðistofu
koma fram ábendingar sem styðja ofangreindar athugasemdir. Einnig má bæta hér við að upplýsingar hafa borist um tjón á húsi á
Akureyri þar sem uppgefin vegalengd frá sprengistað að húsi er um 1,5 km."
Skipulagsnefnd samþykkti að auglýsa tillögu að aðalskipulagsbreytingu svo breytta.
Afgreiðsla skipulagsnefndar var tekin fyrir á fundi sveitarstjórnar daginn eftir. Bjarni Jónsson og Eik Elfarsdóttir frá Veiðimálastofnun mættu á fundinn og gerðu nánari grein fyrir skýrslu sinni um efnistöku á vatnasvæði Eyjafjarðarár. Sveitarstjórn samþykkti að vísa málinu aftur til umfjöllunar hjá skipulagsnefnd í samræmi við umræður á fundinum.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.