Bók að gjöf fyrir eldri borgara Eyjafjarðarsveitar
Á morgun, þriðjudaginn 7. apríl, fá eldri borgarar bók að gjöf frá Eyjafjarðarsveit og verður eintaki dreift á öll heimili þar sem 67 ára eða eldri búa. Bókin, Hreyfing 60+, er skrifuð af íþróttafræðingnum Fannari Karvel og er gjöfinni ætlað að stuðla að góðri hreyfingu og lýðheilsu fyrir hópinn. Það er Lýðheilsunefnd Eyjafjarðarsveitar sem stendur að framtakinu.
Þetta kemur fram á vef Eyjafjarðarsveitar. Þar er einnig bréf frá formanni Lýðheilsunefndar Eyjafjarðarsveitar sem lesa má hér að neðan.
Heilsa á tímum samkomubanns
Nú þegar samkomur í okkar sveit, sem og öðrum hafa verið felldar niður og almennt samkomubann gildir í samfélaginu, er nauðsynlegt að finna nýjar leiðir til þess að sinna heilsu sinni. Með tækninni hefur margt verið leyst til bráðabirgða. Símtöl eða jafnvel “vefspjall” getur haldið við samskiptum við þá sem ekki er hægt að hitta í eigin persónu á þessum fordæmalausu tímum. Félagsleg og andleg heilsa getur lent á undanhaldi og þá er mikilvægt að hafa í huga að sinna henni eins og best verður á kosið. Að rækta góð tengsl við sína nánustu er sjaldan eins mikilvægt og nú.
Líkamleg heilsa á undir högg að sækja þegar samkomur eru engar og ekki margt að sækja utan heimilisins. Hreyfing er þó mikilvægur þáttur í að viðhalda góðri heilsu og viljum við í Lýðheilsunefnd Eyjafjarðarsveitar hvetja íbúa til þess að stunda hreyfingu. Gönguferðir í fallegri náttúru eru ekki síður gefandi fyrir andlegu hliðina og fátt betra en ferskt loft í bland við hæfilega ákafa hreyfingu í fallegu umhverfi. Um leið hvetjum fólk til þess að fara eftir fyrirmælum sóttvarnalæknis og almannavarna varðandi hreinlæti, fjölda og nálægð.
Að lokinni göngu eða annarri hreyfingu er gott að huga að liðleika og styrk. Styrktar- og teygjuæfingar eru mjög mikilvægar fyrir vöðva, liði og bein svo eitthvað sé nefnt. Slíkar æfingar má gera með lítilli fyrirhöfn nánast hvar sem er innan veggja heimilisins. Þær þurfa ekki að vera margar og ekki að taka langan tíma en geta skipt sköpum fyrir líkamlega vellíðan.
Íþróttafræðingurinn Fannar Karvel hefur tekið saman meðfylgjandi handbók um hreyfingu þar sem hann setur upp aðgengilegt og skemmtilegt æfingakerfi. Góðar leiðbeingar í máli og myndum fylgja hverri æfingu og eins og nafn bókarinnar gefur til kynna eru æfingarnar sérsniðnar að aldurhópnum 60 ára og eldri. Það er von okkar að leibeiningarnar í þessari bók geti nýst til þess að leggja rækt við líkamlega heilsu þegar þarf að finna nýjar leiðir til að sinna hreyfingu. Fyrir þá sem vanir eru að gera styrktar- og teygjuæfingar heimavið er þessi bók vonandi ánægjuleg viðbót.
Með kærum kveðjum
Fyrir hönd Lýðheilsunefndar Eyjafjarðarsveitar
Halldóra Magnúsdóttir, formaður
Nýjast
-
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar. -
Háskólinn á Akureyri Endurskoðun jafnréttisáætlunar í fullum gangi
Um þessar mundir stendur yfir endurskoðun á áætlun háskólans um jafna stöðu kynjanna sem gildir frá 2021 til 2024 og jafnréttisráð Háskólans á Akureyri stendur að þeirri vinnu. Jafnréttisráð HA er öflugt og virkt ráð sem heldur reglulega fundi og tekur fyrir og fylgir eftir erindum starfsfólks og stúdenta. Þá er boðið upp á fræðslu innan skólans ásamt þátttöku í skipulagi Jafnréttisdaga sem haldnir eru árlega. Ráðið hefur starfskraft á sínum snærum, Sæunni Gísladóttur, sérfræðing hjá Rannsóknamiðstöð Háskóla Akureyrar. -
Andrésar andarleikarnir haldnir í 48 sinn
Andrésar andarleikarnir í skíðaíþróttum verða haldnir í Hlíðarfjalli í næstu viku, dagana 24.-27. apríl. Skíðafélag Akureyrar heldur leikana og er þetta í 48. sinn sem efnt er til þeirra. -
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram. -
Formannaskipti í Sjálfsbjörg, félagi fatlaðara á Akureyri og nágrenni
Formannaskipti urðu í Sjálfsbjörg, félagið fatlaðra á Akureyri og nágrenni á aðalfundi nýverið. Herdís Ingvadóttir lét af formennsku eftir 24 ár. Hún getur að sögn gengið stolt frá borði eftir farsæla setu í stól formanns. Hún hafði um 6 ára skeið þar á undan setið í stjórn félagsins eða í allt í þrjá áratugi.
Athugasemdir