Blýanturinn stakkst í gegnum lófann
Ha? gerðist þetta í alvörunni, spurðu vinir Rökkva
Ég var í dönsku tíma og þurfti að fara upp á borð til að kveikja á skjávarpa. Þegar ég hoppaði niður, lagði ég vinstri höndina ofan á blýantinn sem stóð upp úr yddara. Blýanturinn hafði verið yddaður báðum megin og hann stakkst einfaldlega í gegnum lófann á mér. Þannig lýsir Rökkvi Rögnvaldsson, nemandi í 10. bekk Brekkuskóla á Akureyri, óvenjulegri uppákomu í síðustu viku. Hann segist ekki hafa fundið mikið til, en sjokkið hafi verið mun meira. Þegar ég tók eftir því að blýanturinn stóð í gegnum lófann var mér frekar brugðið. En skólafélagarnir og kennarinn voru eiginlega í meira sjokki.
Kaupir næst blýant með strokleðri
Þar sem ekkert blæddi úr lófanum, héldu margir að um grín væri að ræða. Ég fór t.d. í félagsmiðstöðina daginn eftir atvikið og þá sögðu allir: Ha? Gerðist þetta í alvörunni?, segir Rökkvi og Rögnvaldur, faðir hans bætir við: Vinur okkar kommentaði á þetta og sagði að ef við hefðum sett smá blóð í lófann hefði þetta kannski verið raunverulegt. Rökkvi segist hafa lært sína lexíu eftir uppákomuna. Ég hugsa að ég kaupi mér næst blýant með strokleðri öðrum megin. Þá er minni hætta á að ég yddi báða enda.
Nánar er rætt við Rökkva í prentútgáfu Vikudags. Einnig er rætt við föður hans, Rögnvald Rögnvaldsson
throstur@vikudagur.is
Nýjast
-
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024. -
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“