Bjartsýnn á að frumvarp um Vaðlaheiðargöng verði samþykkt
Björn Valur Gíslason þingflokksformaður VG og varaformaður fjárlaganefndar Alþingis, er bjartsýnn á að frumvarp fjármálaráðherra um Vaðlaheiðargöng verði samþykkt fyrir þinglok, sem áætluð eru í lok þessa mánaðar. Við munum alla vega berjast til síðasta manns við að koma málinu í gegn, þannig að hægt verði að hefja framkvæmdir strax, sagði Björn Valur. Um er að ræða frumvarp til laga um heimild til að undirrita lánasamning við Vaðlaheiðargöng hf. en kostnaður við gangaframkvæmdina er áætlaður um 8,7 milljarðar króna án virðisaukaskatts. Samkvæmt frumvarpinu skulu Vaðlaheiðargöng hf., eignir þess og tekjustreymi vera fullnægjandi tryggingar fyrir láninu.
Björn Valur segir að frumvarpið sé á borði á fjárlaganefndar og býði afgreiðslu þar en nefndin hefur m.a. fengið fjölda fólks í heimsókn vegna málsins. Ég á ekki von á öðru en að málið detti inn í þingið hvað og hverju og þingið muni svo taka afstöðu til þess. Það er alveg öruggt að málið verður klárað fyrir þinglok og annað hvort ákveður þingið að ráðast í þessa framkvæmd eða ekki. Sjálfsagt munu einhverjir leggjast gegn frumvarpinu. Ég held þó að það hafi allir skilning á því að það þarf að leita óhefðbundinna leiða til að komast í framkvæmdir. Og er ekki alltaf verið að tala um að það þurfi koma einhverjum hjólum til að snúast.
Björn Valur telur að vilji þingsins standi til þess að samþykkja frumvarpið og sjálfur leggur hann mikla áherslu á að sú verði raunin. Ég er búinn að vera með þetta mál meira og minna í fanginu frá árinu 2009. Ég var formaður samgöngunefndar eftir að ég kom inn á þing en þá var verið að ræða mögulegar opinberar framkvæmdir, sem hægt væri að ráðast í með tóman ríkissjóð eftir hrun. Þetta var ein slík framkvæmd og var unnið með málið áfram, sem endaði með lagasetningu 2010, þar sem Vaðlaheiðargöng og fleiri framkvæmdir voru inni. Áfram var haldið með lögin í hendinni og m.a. reynt að semja við lífeyrissjóðina en án árangurs.
Björn Valur segir að undirbúningur vegna framkvæmda við Vaðlaheiðargöng hafi staðið yfir lengi og að málið hafi verið vel undirbúið. Það er í raun ekkert ósagt um málið og kominn tími á að taka ákvörðun.
ÍAV og svissneska fyrirtækið Marti Contractors Lts, áttu lægsta tilboð í gerð Vaðlaheiðarganga í alþjóðlegu útboði en tilboðin voru opnuð í október sl. Tilboð þeirra hljóðaði uppá rúmar 8,8 milljarða króna, eða 95% af kostnaðaráætlun. Vegna tafa við afgreiðslu málsins rann tilboðið út en lægstbjóðendur samþykktu að framlengja tilboðið um fjóra mánuði, eða fram í miðjan júní nk.
Nýjast
-
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024. -
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“