Batnandi rekstrarniðurstaða A - hluta Akureyrarbæjar
Samþykktar voru tillögur aðgerðahóps um framtíðarrekstur Akureyrarbæjar á fundi bæjarráðs í gær, fimmtudaginn 19. maí. Þetta kemur fram í tilkynningu.
Áætluð rekstrarniðurstaða A-hluta sveitarfélagsins fyrir yfirstandandi ár verður 330 milljónum krónum betri en gert var ráð fyrir í upphaflegri fjárhagsáætlun bæjarfélagsins fyrir árið 2016 samkvæmt tillögum hópsins.
Aðgerðarhópurinn hóf störf í byrjun janúar og í honum sátu oddvitar allra flokka sem eiga fulltrúa í bæjarstjórn, auk bæjarstjóra og fjármálastjóra bæjarins. Markmið hópsins var finna leiðir til að draga úr rekstrarhalla strax á þessu ári og koma með tillögur um aðgerðir sem mæta áætlaðri hagræðingu næstu ára, auka jafnvægi í rekstri sveitarfélagsins og stefna að sjálfbærum rekstri A-hluta Akureyrarbæjar.
Tillögurnar voru lagðar fram eftir að rýnt hafði verið í rekstur allra málaflokka sveitarfélagsins í því augamiði að draga sem minnst úr grunnþjónustu við íbúa sveitarfélagsins. Lítið verður dregið úr framlögum bæjarins til fræðslumála, eða um tæplega hálft prósent á árinu 2016 og áætluð hagræðing í félagsþjónustu nemur 1,6% á árinu 2016 frá upphaflegri áætlun.
„Góð samvinna allra framboða einkenndi vinnu aðgerðahópsins og var lykillinn að þeirri sátt sem náðist um aðgerðirnar. Samhliða þeim aðgerðum sem gripið er til á yfirstandandi ári er lögð fram aðgerðaáætlun sem miðar að því að bæta framtíðarrekstur sveitarfélagsins. Vinna aðgerðahópsins hefur líka að mínu mati aukið yfirsýn okkar bæjarfulltrúa og er grunnur fyrir markvissari áætlanir og vonandi betri rekstur til lengri tíma litið,“segir Guðmundur Baldvin Guðmundsson, formaður bæjarráðs Akureyrarbæjar.
Tillögurnar voru unnar í samstarfi við embættismenn, aðra stjórnendur og nefndir sveitarfélagsins. Tillögum hópsins fyrir yfirstandandi ár verður hrint í framkvæmd á næstu dögum, eftir fundi með öllum fastanefndum og stjórnendum Akureyrarbæjar. /epe.
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
